Рөстәм Миңнеханов Зәйдә "Энергия" стадионында булды

2015 елның 31 августы, дүшәмбе

Бүген Зәй муниципаль районына эш сәфәре кысаларында Татарстан Республикасы Президенты вазыйфаларын вакытлыча башкаручы Рөстәм Миңнеханов Зәйдә "Энергия" стадионында булды. Ул стадионны төзекләндерү эшләре белән танышты, эшләрелның сентябрь аенда башланган һәм график буенча дәвам итәләр. 

Стадионда төзекләндерү эшләре кысаларында тапшырылган объектларның беренчесе мини-футбол өчен универсаль спорт мәйданчыгы (42гә 23 м), ул яшьләрнең ачык һавада көзнең соңгы көннәренә кадәр спорт белән шөгыльләнүләрен мөмкин итәчәк. Моннан тыш, футбол өчен төп стадион төзекләндерелде (103кә 70 м). 

Әлеге эшләргә акча республика бюджетыннан бүлеп бирелде, барлыгы төзекләндерүгә 26, 964 млн. сум юнәлтелде. 

Эшләрне тәмамлар өчен тышкы яктыртуны куярга, йөгерү өчен заманча юл һәм җиңел атлетика секторларын ясарга, махсус җиһазлар сатып алырга, тамашачылар трибуналарын ремонтларга, автопарковка оештырырга һәм башка эшләр башкарырга кирәк. 

Рөстәм Миңнеханов стадионның җиңел атлетика секторын һәм йөгерү өчен юлларны ясауга акча бүлеп бирүне йөкләде. 

ТР Президенты Матбугат хезмәте, Елена Бритвина.
ВИДЕОРЕПОРТАЖ Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International