ТР Премьер-министры Илдар Халиков Түбән Камада Татарстан кадетлар корпусында Белем көнен бәйрәм итүдә катнашты

Бүген Татарстан Республикасы Премьер-министры Илдар Халиков Идел буе федераль округының Татарстан кадетлар корпусында (Түбән Кама) Белем көнен бәйрәм итүдә катнашты.

РФ Президентының Идел буе федераль округындагы тулы вәкаләтле вәкиле урынбасары Алексей Сухов, ТР буенча баш федераль инспектор Ренат Тимерҗанов, ТР хәрби комиссары Сергей Погодин, ТРның Түбән Кама муниципаль районы башлыгы Айдар Метшин Белем көненең дәрәҗәле кунаклары булдылар.

1 сентябрьгә Татарстан кадетлар корпусында 25 метрлы бассейн белән заманча физкультура-сәламәтләндерү комплексы барлыкка килде. Бу яңа спорт объекты өчен Алексей Сухов Татарстан Республикасы җитәкчелегенә һәм Россия Федерациясе Оборона министрлыгына рәхмәт белдерде.

Кадетларны Белем көне белән Татарстан Премьер-министры Илдар Халиков котлады. Ул уку йортын Татарстанда иң яхшыларның берсе дип атады, кадетлар корпусына конкурс- бер урынга 25тән артык кеше булуын билгеләде.

ТР Хөкүмәте башлыгы кадетлар копусына икенче тапкыр килүен хәбәр итте. " Төзүчеләрнең бик кыска вакыт эчендә узган елның беренче сентябренә төп корпусны, быелгы уку елына бассейн һәм спорт комплексын төзеп җиткерүләренә сокландым”, - диде ул.

Үз чиратында, Айдар Метшин, бу зур спорт объектын булдыру "КаДетство" дәүләт проекты һәм РФ Президентының Идел буе федераль округындагы тулы вәкаләтле вәкиле Михаил Бабич, шулай ук Татарстан Президенты вазыйфаларын вакытлыча башкаручы Рөстәм Миңнеханов ярдәме белән мөмкин булды, дип искә төшерде.

Татарстан кадетлар корпусы директоры Айгөл Таипова хыялы белән уртаклашты - балаларга заманча урам спорт мәйданчыклары җитми.

ТР Премьер-министры шулай ук Татарстан кадетлар корпусына 100 меңгә сертификат тапшырды.

Белешмә өчен:
Идел буе федераль округының Түбән Камадагы Татарстан кадетлар корпусында 252 кадет тәрбияләнә.