Татарстан Республикасы Хөкүмәте

Рөстәм Миңнеханов татарстанлыларны Нефть һәм газ сәнәгате хезмәткәрләре көне уңаеннан тәбрик итте

2015 елның 5 сентябре, шимбә

Татарстан Республикасы Президенты вазыйфаларын вакытлыча башкаручы Р.Н. Миңнеханов татарстанлыларны Нефть һәм газ сәнәгате хезмәткәрләре көне белән тәбрик итте.
«Хөрмәтле нефть һәм газ сәнәгате хезмәткәрләре!
Мөхтәрәм ветераннар!
Татарстан Республикасы исеменнән һәм шәхсән үзем сезне һөнәри бәйрәмегез – Нефть һәм газ сәнәгате хезмәткәрләре көне белән чын йөрәктән тәбрик итәм.
Эшегез – шактый кыен, җаваплы һәм фидакарь хезмәт, илебез халкы аңа олы хөрмәт белән карый. Көн саен сезнең һәрберегез икътисади үсешкә, Россия Федерациясенең энергетик куркынычсызлыгын һәм иҗтимагый иминлеген тәэмин итүгә бәяләп бетергесез зур өлеш кертә.
Татарстан Республикасында нефть һәм газ сәнәгате инде 70 елдан артык төп бюджет булдыручы, югары технологияле һәм тиз үсүче тармакларның берсе. Җитештерү өлкәсенең катлаулы мәсьәләләрен уңышлы рәвештә чишеп, әлеге тармакбелгечләре республиканың өстен булган иҗтимагый-икътисади программаларын тормышка ашыруга бик зур өлеш кертәләр.
Быел Нефть һәм газ сәнәгате хезмәткәрләре көне белән беррәттән без «Лениногорскнефть» НГЧИсе барлыкка килүнең 70-еллыгын, Лениногорск шәһәренең һәм «Газпром трансгаз Казан» җәмгыятенең 60-еллыгын да бәйрәм итәбез. Без Татарстан нефть һәм газ сәнәгатенең оешу тарихын һәрчак истә тотабыз һәм республикабызның тотрыклы иҗтимагый-икътисади үсеше нигезен салган мөхтәрәм ветераннарыбызга рәхмәт сүзләрен юллыйбыз. Сез керткән һөнәри осталык, җаваплылык, сайлаган һөнәргә тугрылык традицияләрен хәзерге буын белгечләре саклый һәм үстерә.
Үткән еллардагыча нефть һәм газ сәнәгате хезмәткәрләре һөнәри бәйрәмнәрен югары нәтиҗәләргә ирешеп, алдагы үсеш программаларын уңышлы тормышка ашырып каршы ала. Җитештерү эшчәнлегенең нәтиҗәлелеген, чимал базасын киләчәктә дә үстерү буенча куелган бурычлар уңышлы үтәлер дип ышанам.
Нефть һәм газ сәнәгате хезмәткәрләренә һәм ветераннарына югары казанышлары өчен ихлас рәхмәтемне белдерәм, нык исәнлек, иминлек һәм Россия Федерациясе, Татарстан Республикасы хакына хезмәт уңышлары телим.
Татарстан Республикасы Президенты вазыйфаларын вакытлыча башкаручы Р.Н. Миңнеханов».

ТР Президенты матбугат хезмәте.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

Алексей Песошин Бөгелмәнең 250 еллыгына багышланган тантаналы чараларны әзерләү һәм уздыру буенча оештыру комитетының беренче утырышын уздырды

Бүген Татарстан Республикасы Премьер-министры Алексей Песошин 2031 елда Бөгелмәнең 250 еллыгына багышланган тантаналы чараларга әзерлек һәм аларны үткәрү буенча оештыру комитетының беренче утырышын уздырды. Утырыш ТР Хөкүмәте Йортында узды.

декабрь, 2025 ел

ТР Хөкүмәте Йортында бәйрәм чараларын һәм иминлекне тәэмин итү чараларын үткәрү мәсьәләләре буенча брифинг узды

Яңа ел бәйрәмнәре чорына республикада бик күп чаралар планлаштырылган. Биредә «Күрше фест» фестивале һәм «Татарстанда кыш» программасы активлыгы аерым урын алып тора. Бу хакта ТР Хөкүмәте Йортында узган брифингта ТР Премьер-министры урынбасары Ләйлә Фазлыева сөйләде.

Алексей Песошин: Кешеләрнең уңайлы һәм имин тормышын тәэмин итүдә энергетика комплексының әһәмияте бәяләп бетергесез

Кешеләрнең уңайлы һәм имин тормышын тәэмин итү өчен энергетика комплексының әһәмияте бәяләп бетергесез. Бу хакта Татарстан Премьер-министры Алексей Песошин «Татэнерго»да Энергетика көненә багышланган тантаналы чарада белдерде.

декабрь, 2025 ел

Татарстанда социаль-мәдәни объектларга капиталь ремонт төгәлләнгән

Татарстан Республикасында социаль-мәдәни билгеләнештәге объектларны капиталь ремонтлау буенча гаять зур эш тәмамланган. Быел эш 34 республика, дәүләт һәм федераль программа кысаларында оештырылган. 2025 ел башыннан 15 млрд сумлык 713 объект ремонтланган. Мондый мәгълүматларны ТР Хөкүмәте Йортында узган киңәшмәдә ТР төзелеш, архитектура һәм ТКХ министрының беренче урынбасары Дамир Шәйдуллин китерде. Киңәшмәне барлык муниципаль районнар белән видеоконференцэлемтә режимында Татарстан Рәисе Рөстәм Миңнеханов уздырды. Киңәшмәдә шулай ук Татарстан Республикасы Премьер-министры Алексей Песошин да катнашты.

ЯҢАЛЫКЛАРГА ЯЗЫЛУ