ТРда хезмәт иминлеге кагыйдәләре һәм нормалары бозылган өчен 18 млн 62 мең сумга 513 карар чыгарылган

ТРда хезмәт иминлеге кагыйдәләре һәм нормалары бозылган өчен 18 млн 62 мең сумга 513 карар чыгарылган. Барлыгы ел башыннан Дәүләт төзелеш күзәтчелеге инспекциясе һәм Дәүләт хезмәт инспекциясе тарафыннан 867 тикшерү уздырылган.
Бу хакта бүген ТР Хөкүмәте йортында уздырылган республика киңәшмәсендә ТР төзелеш, архитектура һәм ТКХ министрының беренче урынбасары Алексей Фролов хәбәр итте. Киңәшмәне видеоконференцэлемтә режимында барлык муниципаль районнар белән ТР Премьер-министры Илдар Халиков уздырды.

Алексей Фролов хәбәр иткәнчә, бүгенге көнгә күп фатирлы 999 йортта капиталь төзекләндерү эшләре тәмам, хәзерге вакытта объектларны кабул итү комиссиясе тапкан кимчелекләрне төзәтү һәм йортларны файдалануга тапшыруга әзерлек эшләре бара. Шулай ук 119 мәктәптә һәм 7 коррекцион мәгариф учреждениесендә эшләр төгәлләнеп килә. “Балалар сәламәтләндерү лагерьларында капиталь төзекләндерү программасы кысаларында финанслауның гомуми күләме 76 млн. сум тәшкил иткән. 2015 елда 14 лагерь капиталь төзекләндерелгән. Барлык объектларда эшләр төгәлләнгән”,-дип билгеләде Алексей Фролов.

2015 елның 18 сентябренә программаларны гамәлгә ашыру барышында ТР газлаштыру фонды тарафыннан авылларда су белән тәэмин итү буенча эшләр 62%ка, җылылык системасын индивидуаль казаннарга күчерү буенча 37,1%ка, социаль - мәдәният өлкәсендә казаннарны алмаштыру буенча 68,8%ка, урамнарны яктырту буенча эшләр 49,1%ка башкарылган.

Алексей Фролов сүзләренчә, “Парк һәм скверлар” программасы буенча 45 муниципаль районның барлык 140 объектында эшләр бара, 81 объектта эшләр төгәлләнгән, сентябрьдә ял итү өчен 41 яшел зонаны тапшыру, октябрьдә 17 парк һәм сквер һәм тагын бер объектны ноябрьдә тапшыру планлаштырылган.

Киңәшмә барышында шулай ук ТР Президенты каршында Дәүләт торак фонды башкарма директоры Тәлгать Абдуллин доклад ясады.

Илдар Халиков барлык муниципаль район җитәкчеләрен республика һәм федераль программаларның үтәлешен тикшереп торырга һәм җылылык сезонына әзерлек эшләрен активлаштырырга чакырды.