Татарстанда бөртекле ашлыкның тулай җыемы 3,4 млн. тонна тәшкил иткән

Татарстанда бөртекле ашлыкның тулай җыемы 3,4 млн. тонна тәшкил иткән. Бу хакта бүген ТР Хөкүмәте йортында узган республика киңәшмәсендә ТР Премьер-министр урынбасары - ТР авыл хуҗалыгы һәм азык-төлек министры Марат Әхмәтов сөйләде.
Киңәшмәне барлык муниципаль районнар белән видеоконференцэлемтә режимында ТР Премьер-министры Илдар Халиков уздырды.

Марат Әхмәтов сүзләренчә, уңайлы һава шартлары бөртеклеләрне җыеп бетерергә мөмкинлек биргән.
Бөртекле ашлыкның тулай җыемы 3,4 млн. тонна тәшкил иткән, уңыш -1 гектардан 21,7ц. Кукуруз буенча уңышның күләме - 150 мең тонна. Иген уңышы буенча иң зур күрсәткечләр исемлегенә Арча (150 меңнән артык), Актаныш (141 мең), Тукай (133 мең) Буа (120 мең) муниципаль районнары кергән.

Инвесторлар буенча уңыш күрсәткечләре - “Ак Барс Холдинг” - 402мең т., “Агросила групп” -263мең, “Красный Восток Агро” -137 мең, “Сөт иле” ҖЧҖ -134 мең, “Агроинвест” ҖЧҖ - 72 мең, “Союз-Агро” -51 мең, “Татагролизинг”ААҖ һәм “Арча” ҖЧҖ 50 шәр мең, дип белдерде Марат Әхмәтов.