Казанда Халыкара укытучылар көненә багышланган бәйрәм узды
2015 елның 3 октябре, шимбә
Бүген Казанда Халыкара укытучылар көненә багышланган бәйрәм узды. Татарстан укытучыларын һөнәри бәйрәмнәре белән ТР Премьер-министры Илдар Халиков, ТР Дәүләт Советы рәисе урынбасары Татьяна Ларионова, ТР Премьер-министры урынбасары – ТР фән һәм мәгариф министры Энгель Фәттахов, ТР Президентының социаль мәсьәләләр буенча ярдәмчесе Ләйлә Фазлыева котлады.
Республиканың иң яхшы укытучыларын котлау тантанасына 5 меңнән артык педагог чакырылган иде.
Беренче булып укытучыларны Илдар Халиков котлады. Ул аларга якты, матур мизгелләрнең бәйрәм көннәрендә генә түгел, ә бәлки ел дәвамында булуын теләде.
Илдар Халиков бәйрәм алдыннан Казанда “Ел укытучысы-2015” бөтенроссия конкурсының финалы узуын искә төшерде, анда Россиянең 77 төбәгеннән укытучылар катнашкан иде. “Татарстанның шундый мөмкинлеккә лаек булуы безнең өчен зур дәрәҗә”,-дип ассызыклады ул.
Котлаулардан соң Илдар Халиков дәүләт бүләкләрен тапшырды. “ТР алдындагы казанышлары өчен” орден медале белән ТР Фән һәм мәгариф министрлыгының Гомуми белем бирү идарәсе башлыгы Тамара Федорова һәм КФУның Физика институты теоретик физика кафедрасы профессоры Борис Кочелаев бүләкләнде. Шулай ук мәгариф хезмәткәрләренә “ТРның атказанган югары мәктәп хезмәткәре” һәм “ТРның атказанган укытучысы” исемнәре бирелде, ТР Президентының Рәхмәте тапшырылды.
Бәйрәм чарасы кысаларында сәхнәгә шулай ук “Белем бирүнең сыйфаты өчен” рейтингы нәтиҗәләре буенча Татарстанның 30 иң яхшы мәктәбе директорлары, “ТРның класс җитәкчесе”, “ТРның ел тәрбиячесе” конкурслары, “Россия педагог-психологы” бөтенроссия һөнәри осталык конкурсының республика этабы, “ТРның ел укытучысы” конкурсы җиңүчеләре чакырылды.
Искә төшерәбез, быел Казанның Киров районы 151нче урта гомуми белем бирү мәктәбенең рус теле һәм әдәбияты укытучысы Евгения Родионова Татарстанның ел укытучысы булды.
“Республиканың киләчәге мәгариф системасына бәйле. Шуңа республика җитәкчелеге тарафыннан мәгариф системасына зур игътибар бирелә”,- дип билгеләде Энгель Фәттахов.
Бәйрәм тәмамланганда “Самоцветы” ансамбле чыгыш ясады.
“Татар-информ” МА
Бүлешү:
СОҢГЫ ЯҢАЛЫКЛАР
31
май, 2026 ел
Хөрмәтле химия, нефть химиясе, нефть эшкәртү һәм фармацевтика сәнәгате хезмәткәрләре!
Татарстан Республикасы Хөкүмәте һәм шәхсән үз исемемнән сезне һөнәри бәйрәмегез - Химик көне белән котлыйм!
Татарстанның гасырлар буе дәвам иткән данлыклы фәнни традицияләре һәм югары сәнәгать потенциалы бар, болар илнең икътисадый үсешен тәэмин итәргә мөмкинлек бирә.
30
май, 2026 ел
Татарстан Республикасында чәчү кампаниясе ахырына якынлаша. Сабан культуралары 1 млн.611 мең га мәйданда чәчелгән, бу планнан 94%. Мондый мәгълүматларны бүген Татарстан Республикасы Хөкүмәте Йортында узган традицион шимбә киңәшмәсендә Татарстан Республикасы авыл хуҗалыгы һәм азык-төлек министры урынбасары Дмитрий Яшин китерде.
Киңәшмәне республиканың барлык муниципаль районнары белән видеоконференцэлемтә режимында Татарстан Премьер-министры Алексей Песошин уздырды.
Татарстанда «Безнең ишегалды» программасы кысаларында быел төзекләндерү эшләре төгәлләнәчәк беренче район Зәй муниципаль районы булачак. Бу хакта бүген ТР Хөкүмәте Йортында узган киңәшмәдә «ТР шәһәрләрен үстерү институты» фондының шәһәр мохитен үстерү программалары департаменты җитәкчесе Арина Петрова хәбәр итте.
Киңәшмәне барлык муниципаль районнар белән видеоконференцэлемтә режимында Татарстан Премьер-министры Алексей Песошин уздырды.
Бүген Татарстан Премьер-министры Алексей Песошин торак төзелеше темплары, гражданнарның аерым категорияләрен торак белән тәэмин итү, шулай ук җәмәгать киңлекләрен төзекләндерү мәсьәләләре буенча киңәшмә уздырды.
Киңәшмә ТР Хөкүмәте Йортында видеоконференцэлемтә режимында узды, анда республиканың барлык муниципаль районнары катнашты.
ЯҢАЛЫКЛАРГА ЯЗЫЛУ
Адрес: 420060, Казан шәһәре, Ирек мәйданы, 1
Телефон:
+7 (843) 264-77-74
E-Mail: prav@tatar.ru
Сайттагы барлык материаллар лицензия буенча тәкъдим ителә:
Creative Commons Attribution 4.0 International
Хата таптыгызмы?
Сүзне яки җөмләне билгеләгез һәм CTRL+ENTER басыгыз