Илдар Халиков Чиләбе металлургия комбинатында булды

Татарстан Премьер-министры Илдар Халиков бүген Россиянең иң зур предприятиесе - Чиләбе металлургия комбинатында булды.
Аны Чиләбе өлкәсе губернаторының беренче урынбасары Евгений Редин, “Мечел” ААҖ директорлар советы рәисе Игорь Зюзин, "Чиләбе металлургия комбинаты" ҖАҖнең идарәче директоры Рәшит Нугуманов озата йөрде.

ТР Премьер-министры яңа комплексның җитештерү мәйданчыгын карады, предприятие эшенә кертелә торган технологияләр белән танышты. Аңа компаниянең иң мөһим инвестпроектларының берсе - универсаль рельс станының яңа комплексы төзелеше - 2013 елның июлендә гамәлгә кертелгәнен хәбәр иттеләр. Проектның бәясе 900 млн. АКШ долларыннан арткан.

Стан елына 1 млн тоннадан артык продукция җитештерә ала, шул исәптән 100 метр озынлыктагы тимер юл рельслары.

Рәшит Нугуманов билгеләгәнчә, предприятие Россиянең зур сәнәгать холдинглары белән рельс продукциясе белән тәэмин итү турында килешүләр төзегән. Шулай ук бу рельслар Россиядә иң зур Эльгинск кокслана торган ташкүмер чыганагына илтә торган юл -Улак-Эльга тимер юл тармагы төзелешендә кулланыла.

2015 елның июнендә предприятие 100 метр озынлыктагы рельсларларга Таможня берлеге техник регламенты таләпләренә туры килүе турындагы сертификат алды. Бу сертификация Чиләбе металлургия комбинаты продукциясен "Россия тимер юллары" ААҖенә җибәрү мөмкинлеген бирә.

Алга таба Илдар Халиков яңа тарттыру-болгаткыч комплексын карады. Объектның төп технологик үзенчәлеге максималь дәрәҗәдә ваклау мөмкинлеге бирүче тегермән куллану. Вакланган шлак төрле төрдәге цемент алуда, эремә һәм бетон, тимер-бетон эшләнмәләре, шулай ук коры төзелеш материаллары җитештерүдә кулланыла.