Татарстан Республикасы Хөкүмәте

Татарстан Хөкүмәте башлыгы Рөстәм Миңнеханов VII Мәскәү халыкара химия саммитында чыгыш ясаячак

2010 елның 18 марты, пәнҗешәмбе

Бүген Татарстан Республикасы Премьер-министры Рөстәм Миңнеханов VII Мәскәү халыкара химия саммиты эшендә катнаша. Саммитны Россия фәннәр академиясе һәм Россия эшкуарлары берлеге ярдәме белән Мәскәү Хөкүмәте, Россия химиклар берлеге оештыра. Саммитның операторы - RCC Group мәгълүмати-аналитик агентлыгы.

Исегезгә төшерәбез: Татарстан Хөкүмәте башлыгы Рөстәм Миңнеханов саммитның оештыру комитетына кергән. Башкарма комитетның рәисе булып алыштыргысыз рәвештә Мәскәү мэры Юрий Лужков кала.

2010 елда химия форумында 200дән артык делегат катнашачак. Бу - үзебезнең иң эре предприятиеләр җитәкчеләре, эшкәртү секторы компанияләре җитәкчеләре, фән һәм дәүләт структуралары вәкилләре, потенциаль инвесторлар. Чит ил бизнесын көнбатыш компанияләрнең Мәскәүдәге офислары, Көнчыгыш Европа һәм БДБ мөдирлекләре җитәкчеләре тәкъдим итә.

Саммит кысаларында ТР Премьер-министры Рөстәм Миңнеханов яңа икътисадый шартларда Татарстанның нефть һәм газ өлкәсе үсеше стратегиясе турында сөйләр дип көтелә. Шулай ук, "Татнефтехиминвест-холдинг" ААҖ генераль директоры Рафинат Яруллин чыгыш ясар дип планлаштырыла. Ул фәндәге вәзгыятьне һәм газ эшкәртү базары перспективаларын бәяләр.

VII Мәскәү халыкара химия саммиты "Ренессанс" кунакханәсендә уза, һәм ул 19нчы мартка кадәр дәвам итәчәк.

Саммитның программасы биредә - http://www.chemsummit.ru/?page_id=39

ТР Министрлар Кабинеты матбугат хезмәте.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

май, 2026 ел

ТР Хөкүмәте Йортында узган брифингта Татарстанның Җиңү көнен ничек билгеләп үтәчәге турында сөйләделәр

Бүгенге көндә Татарстанда 1941-1945 еллардагы Бөек Ватан сугышының соңгы шаһитлары булган 92 фронтовик яши. Ветераннарга ярдәм чаралары һәм республиканың Җиңү көнен - 9 Майны ничек билгеләп үтәчәге турында Татарстан Республикасы Министрлар Кабинетында узган брифингта сөйләделәр.

апрель, 2026 ел

ТР экология һәм табигый байлыклар министры Азат Җиһаншин санитар-экологик ике айлыкның арадаш йомгакларын тәкъдим итте

Бүген Татарстан экология һәм табигый байлыклар министры Азат Җиһаншин Татарстан Республикасы Хөкүмәте Йортында узган киңәшмәдә санитар-экологик ике айлыкның арадаш нәтиҗәләре турында сөйләде. Киңәшмәне Татарстан Рәисе Рөстәм Миңнеханов уздырды, видеоконференцэлемтә режимында киңәшмәдә республиканың барлык муниципаль районнары катнашты.

Татарстанда 24 муниципалитетта 296 күп фатирлы йортка капиталь ремонт ясауга керешкәннәр, барлыгы 706 күп фатирлы йортка ремонт ясалачак

Татарстан Республикасында 24 муниципаль берәмлектә 296 күп фатирлы йортка капиталь ремонт ясауга керешкәннәр. Быел 41 муниципаль берәмлектә барлыгы 706 күп фатирлы йортка капиталь ремонт ясалачак. 6 муниципаль берәмлектә 44 йортта 99 лифт алмаштыру каралган. Мондый мәгълүматларны бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин китерде. Киңәшмәне Татарстан Рәисе Рөстәм Миңнеханов үткәрде. Бүген киңәшмәдә Еврей автономияле өлкәсеннән (ЕАӨ) коллегалар катнаша – бу өлкәдән делегация тәҗрибә уртаклашу өчен республикага эш сәфәренә килгән.

апрель, 2026 ел

Казанга Кытай Халык Республикасы Оборона министры Дун Цзюнь килде

Бүген Казанга Кытай Халык Республикасы (КХР) Оборона министры дун Цзюнь килде. Г. Тукай исемендәге «Казан» халыкара аэропортында кунакны Татарстан Республикасы Премьер-министры Алексей Песошин, КХРның Казандагы Генераль консуллыгы вәкилләре, башка рәсми затлар каршы алды.

ЯҢАЛЫКЛАРГА ЯЗЫЛУ