Татарстанда 2015 елгы күп фатирлы торак йортларда капремонт программасы буенча эшләр барлык 999 объектта төгәлләнгән

Татарстан Республикасы Хөкүмәте йортында узган киңәшмәдә бүген күп фатирлы торак йортларда капремонтны тормышка ашыру, башка республика программаларын гамәлгә кертү буенча фикер алыштылар.

Киңәшмәне барлык муниципаль районнар белән видеоконеренцэлемтә режимында ТР Премьер-министры Илдар Халиков уздырды.

Төп докладны ТР төзелеш, архитектура һәм ТКХ министрының беренче урынбасары Алексей Фролов ясады.

Барыннан да элек, ул хезмәт иминлеге өлкәсендәге хәлләр турында хәбәр итте. ТР буенча Дәүләт хезмәт инспекциясе мәгълүматлары буенча 2015 ел башыннан 43 бәхетсезлек очрагы булган, шул исәптән авыр хәл -26, үлем очрагы -17. ТР дәүләт төзелеш күзәтчелек инспекциясе һәм ТР буенча Дәүләт хезмәт инспекциясе тарафыннан 2015 ел башыннан 1 мең 51 тикшерү уздырылган. Хезмәт иминлеге нормаларын һәм кагыйдәләрен бозган өчен 21 млн. 300 мең суммага 588 карар чыгарылган.12 млн. 395 мең сум штраф алынган.

2015 елда күп фатирлы торак йортларда капремонт программасы буенча эшләр барлык 999 объектта төгәлләнгән, 240,9 мең гражданның торак шартлары яхшыртылган.

Мәктәпләргә капремонт буенча эшләр 2015 елгы программа буенча барлык объектларда төгәлләнгән. Бу программада 42 район катнашкан.

Алексей Фролов 2015 елгы “Уңайлы мохит” программасын гамәлгә ашыру турында да хәбәр итте. Социаль өлкәдәге объектларны уңайлаштыру программасы буенча 102 объектта эш бара, программаның үтәлеше – 97,87%. Гомуми белем бирү учреждениеләрендә төзекләндерү эшләре буенча 145 объектта эш бара, 130 объектта эшләр төгәлләнгән.