Рөстәм Миңнеханов "Казан" агросәнәгать паркында авыл хуҗалыгы ярминкәсендә булды

2015 елның 6 ноябре, җомга
Татарстан Президенты Рөстәм Миңнеханов бүген "Казан" агросәнәгать паркы" ААҖндә авыл хуҗалыгы ярминкәсендә булды. Аны ТР Премьер-министры урынбасары - ТР авыл хуҗалыгы һәм азык-төлек министры Марат Әхмәтов озатып йөрде.
Казанда һәм республика районнарында һәр шимбә була торган ярминкәләр, бу атнада 6 ноябрьдә уза. Район авыл хуҗалыгы җитештерүчеләре һәм ТР агросәнәгать комплексының эре оешмалары арзанрак бәядән үз продукцияләрен тәкъдим итә. Казан" агросәнәгать паркында авыл хуҗалыгы ярминкәсендә кооператорлар һәм шәхси җитештерүчеләр бай ассортимент, шул исәптә, яшелчә, ит, казылык эшләнмәләре, сыр, он, ярма, бал, май, йомырка, сөт продуктлары һ.б. тәкъдим итә.
Рөстәм Миңнеханов сәүдә рәтләрен карады, сатучылар һәм сатып алучылар белән аралашты, товарларның бәясе, ассортименты, сыйфаты белән танышты.
ТР Премьер-министры урынбасары - ТР авыл хуҗалыгы һәм азык-төлек министры Марат Әхмәтов, агымдагы елда ярминкәләр оештыручылар һәм катнашучылар бу социаль проектны гамәлгә ашыруга җаваплы карады, дип билгеләп үтте.
"Ярминкәләр Казанның берничә мәйданында эшли, әлбәттә, иң уңайлысы - "Казан" агросәнәгать паркы. Ярминкәдә катнашучылар күп, халык та актив. Авыл хуҗалыгы җитештерүчеләре бәяләр турында алдан сөйләштек, иң мөһиме, азык-төлек сәүдә нокталарына караганда, 20 процентка арзанрак булырга тиеш. Аз керемле кешеләр эре сәүдә челтәрләрендә даими рәвештә азык-төлек ала алмый. Ә авыл хуҗалыгы җитештерүчеләре үз продукцияләрен даими һәм куркынычсыз сату өчен мәйданчык тапты", - дип сөйләде ул журналистларга.
Бу проектның социаль мөһим булуы турында министр, шәһәрнең ярминкәләр уза торган башка мәйданчыкларын яхшырту эшләре алып барырга кирәк, дип билгеләп үтте.
"Кайдадыр тыгыз, кайдадыр яктылык җитми, кайдадыр юллар начар. Әлегә мондый проблемалар бар. Шәһәр хакимияте ярминкәләр үткәрү белән кызыксына. Алар безнең мөрәҗәгатьләргә игътибар бирә һәм мондый проект өчен рәхмәт белдерәләр. Проект яхшы, ул шәһәрдә яшәүчеләргә, авыл хаҗалыгы җитештерүчеләренә дә кирәк", - дип ассызыклады вице-премьер.
"Бер уйлаганда, Казанга килеп үз продукциянне сату чыгымлы эш. Кемдер продукцияне сатарга әзерләүдә махсуслашырга, ә кемдер ярминкәдә сәүдә итәргә тиеш. Киләчәктә шулай булачак, дип уйлыйм. Моның өчен финанс ресурслары булган һәм бу эш белән шөгыльләнергә теләгән кешеләр табарга кирәк", - диде Марат Әхмәтов.
Татарстан кулланучылар берлеге предприятиеләре "Казан" агросәнәгать паркы" ААҖнә ярминкәгә 4 млн сумлык продукция китерергә планлаштырган, моның өчен 30 машина җәлеп ителәчәк.
"Татар-Информ" МА
ВИДЕОРЕПОРТАЖ Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International