ТР Президенты Балык Бистәсендә «Кулон-Агро» яңа терлекчелек комплексында булды

2015 елның 6 ноябре, җомга
Татарстан Президенты Рөстәм Миңнеханов бүген Балык Бистәсе муниципаль районында «Кулон-Агро» ҖЧҖ терлекчелек комплексында булды.
Яңавылдан ерак түгел урнашкан комплекс агымдагы елның августында эшли башлады. Ул 1,2 мең мөгезле эре терлеккә, шул исәптә 500 баш сыерга исәпләнгән.
Инвестор «Кулон» ЯАҖ комплекс төзелешенә 220 млн сум акча сарыф иткән, шул исәптә 65 млн сум - нәселле терлек сатып алуга.
Бүгенгә терлекчелек комплексында 650 баш терлек бар. Биредә бер сыердан тәүлегенә 17 литр сөт савып алына. Киләчәктә терлекчелек комплексы 3,5 мең тонна сөт һәм 250 тонна ит (тере авырлыкта) җитештерәчәк.
Ел саен комплекс 80, 5 млн сум акча эшләргә планлаштыра, еллык керем - 25 млн сум.
Әлегә терлекчелек комплексында 50 кеше эшли. Комплекс тулы көченә эшләп киткәч персоналлар саны 65 кеше булачак. Уртача айлык хезмәт хакы - 19,2 мең сум, план егәрлегенә ирешкәч ул 25 мең сум тәшкил итәргә тиеш.
Барлык биналар янгын куркынычсызлыгы һәм экологик таләпләргә туры килә.
Татарстан Президенты терлекчелек комплексында төп объектларны карады, сыерларны һәм бозауларны тоту шартлары һәм технологияләре белән танышты. Рөстәм Миңнехановны вице-премьер – ТР авыл хуҗалыгы һәм азык-төлек министры Марат Әхмәтов, Балык Бистәсе муниципаль районы башлыгы Илһам Вәлиев, "Кулон" ЯАҖ җитәкчесе Альберт Фәхретдинов озатып йөрде.
Терлекчелек комплексы территориясендә Татарстан Президенты Балык Бистәче районы авыл җирлекләре һәм хуҗалыклары җитәкчеләре белән очрашты.
"Татар-Информ" МА
ВИДЕОРЕПОРТАЖ Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International