Казанда акробатик рок-н-ролл буенча Европа һәм Дөнья чемпионатлары ачылды

2015 елның 7 ноябре, шимбә
Бүген Казанда, "Баскет-холл"да акробитик рок-н-ролл буенча Европа һәм Дөнья чемпионатлары ачылды.
Ярышлар ачылышы тантанасында Татарстан Президенты Рөстәм Миңнеханов, Россия Президентының Идел буе федераль округындагы тулы вәкаләтле вәкил Михаил Бабич, РФ ФҖ Дәүләт Думасының физик культура, спорт һәм яшьләр эшләре комитеты рәисе Дмитрий Свищев, РФ спорт министры урынбасары Юрий Нагорных, Бөтендөнья рок-н-ролл конфедерациясе президенты Мириам Керпан Изак һәм Бөтенроссия акробатик рок-н-ролл федерациясе президенты Алексей Воробьев катнашты.
Халыкара ярышларны ачып, Михаил Бабич, ел саен Россия халыкара спорт турнирларын күбрәк кабул итә, дип билгеләп үтте. РФ Президентының ИФО дагы тулы вәкаләтле вәкиле соңгы вакытта Универсиада һәм Спортның су төрләре чемпионаты үткәрелүен үрнәк итеп күрсәтте. Акробатик рок-н-роллның спорт төре күптән түгел генә пәйда булуына карамастан, Россия командалары һәм спортчылары бүген лидер булып тора.
"Бүген республикада гына түгел, гомумән Россия өчен дә истәлекле вакыйга. Казанга спортның яңа төре килде, ул зур кызыксыну уята. Бу чараны үткәрү спортның бу төре үсешен активлаштыру мөмкинлеге бирә. Безнең башкала, Казан, безнең кешеләр, безнең тамашачылар сезгә ошар һәм сезгә бирегә килеп яңа ярышлар үткәрәсегез киләчәгенә ышанам", - дип билгеләп үтте сәламләү сүзендә Рөстәм Миңнеханов.
Акробатик рок-н-ролл буенча Дөнья һәм Европа чемпионаты 7 һәм 8 ноябрьдә Казанда уза. Анда Россия, Швейцария, Бельгия, Чехия, Венгрия, Молдова һәм Словения кебек 7 илдән 568 спортчы катнаша.
Дөнья һәм Европа чемпионатларында катнашучыларга «Формейшн-девушки», «Формейшн-женщины» һәм «Формейшн-микст» элиталы дисциплиналарында чыгыш ясыйлар.
"Татар-Информ" МА
ВИДЕОРЕПОРТАЖ Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International