Волго-Вятскуправтодор: Федераль юлларны кышка әзерләү чаралары тулы күләмдә башкарылган

2015 елның 10 ноябре, сишәмбе
Татарстанда федераль юлларны кышкы чорда тәэмин итү өчен юл техникасының әзерлеге 100 процент тәшкил итә. Бу хакта ТР Министрлар Кабинетында узган брифингта «Волго-Вятскуправтодор» ФКУ баш инжентеры Александр Анисимов белдерде. Ул искәрткәнчә, идарә федераль юлларның 1023 километрын тәэмин итә, аларны кышкы чорда тиешле дәрәҗәдә тоту өчен алты подряд оешма эшли. 
Спикер сүзләренчә, автоюлларны кар һәм кар калдыкларыннан чистарту өчен 313 берәмлек техника кулланылачак. "Ком базаларында 132 мең тонна ком-тоз катнашмасы, шул исәптән тоз - 26 мең тонна, ком - 105 мең тонна әзерләнде. Бозга каршы материал тулы күләмдә әзерләнгән", - диде ул. 22 ком базасы эшли, юлларда 29 метеостанция урнаштырылган. " Ел саен метеостанцияләр саны арта", - дип искәртте А.Анисимов. 
Аның сүзләренчә, 1 км федераль юлны елы буе тәэмин итү өчен 500 мең сум акча кирәк. Быел автоюлларны яктыртуга 300 млн. сум тирәсе бүлеп бирелгән."Федераль юлның буеннан-буена күперләр, транспорт чишелешләре, торак пунктлар яктыртылган. Трассаларга килгәндә, мондый мәсьәлә әлегә юк", - диде ул. 

"Татар-Информ" МА
ВИДЕОРЕПОРТАЖ
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International