Татарстан Республикасы Хөкүмәте

ТР Президенты республикада икенче IT-паркы булдырырга тәкъдим итте

2010 елның 5 июне, шимбә

4 июньдә Мәскәүдә Татарстан Республикасы Президенты Рөстәм Миңнеханов Россия элемтә һәм гаммәви коммуникацияләр министры Игорь Щеголев белән очрашты. Сүз Россиядә югары технологияләр өлкәсендә технопарклар булдыру буенча дәүләт программасын гамәлгә кую турында барды.

Искәртеп үтәбез, Татарстан Республикасында бу программа ике мәйданчыкта башкарыла – IT-парк (Казан, Петербург ур.) һәм «Химград» технополисы (Казан, Восстание ур, 100).

Фикер алышу вакытында Рөстәм Миңнеханов республика территориясендә киләчәктә программаны үстерү буенча тәкъдимнәр белдерде. Ул, аерым алганда, Чаллыда икенче IT-паркы (20 мең кв. метр мәйданда) булдырырга тәкъдим итте.

Моннан тыш, Татарстан Президенты «Химград» технополисы инфрастурктурасы үсешенең яңа этабы турында сөйләде.

Россия элемтә һәм гаммәви коммуникацияләр министры Игорь Щеголев белән очрашуда Татарстан ягыннан ТР Премьер-министры урынбасары – мәгълүматлаштыру һәм элемтә министры Николай Никифоров, ТР Кече һәм урта эшмәкәрлекне үстерү комитеты рәисе Тимур Шаһивәлиев, «Химград» технополисы идарәчесе - «Идея Капитал» идарәче компаниясе” ААҖнең генераль директоры Альберт Кәримов катнашты.

"Татар-информ" мәгълүмат агентлыгы.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

июнь, 2026 ел

Татарстан Республикасы Премьер-министры урынбасары Ләйлә Фазлыева «Созвездие-Йолдызлык» фестивале җиңүчеләренә Татарстан Республикасы Рәисе дәүләт стипендияләрен тапшырды

Бүген Татарстан Республикасы Хөкүмәте йортында «Созвездие-Йолдызлык» эстрада сәнгатенең XXVI ачык республика телевизион яшьләр фестивале җиңүчеләренә Татарстан Республикасы Рәисе дәүләт стипендияләрен тапшыру тантанасы узды. Стипендияләрне Татарстан Республикасы Премьер-министры урынбасары Ләйлә Фазлыева тапшырды.

май, 2026 ел

Татарстан Республикасы Премьер-министры А.В. Песошинның Химиклар көне белән котлавы

Хөрмәтле химия, нефть химиясе, нефть эшкәртү һәм фармацевтика сәнәгате хезмәткәрләре! Татарстан Республикасы Хөкүмәте һәм шәхсән үз исемемнән сезне һөнәри бәйрәмегез - Химик көне белән котлыйм! Татарстанның гасырлар буе дәвам иткән данлыклы фәнни традицияләре һәм югары сәнәгать потенциалы бар, болар илнең икътисадый үсешен тәэмин итәргә мөмкинлек бирә.

май, 2026 ел

Татарстанда чәчү кампаниясе төгәлләнеп килә - сабан культуралары 1 млн. 611 мең га мәйданда чәчелгән, бу планнан 94% тәшкил итә

Татарстан Республикасында чәчү кампаниясе ахырына якынлаша. Сабан культуралары 1 млн.611 мең га мәйданда чәчелгән, бу планнан 94%. Мондый мәгълүматларны бүген Татарстан Республикасы Хөкүмәте Йортында узган традицион шимбә киңәшмәсендә Татарстан Республикасы авыл хуҗалыгы һәм азык-төлек министры урынбасары Дмитрий Яшин китерде. Киңәшмәне республиканың барлык муниципаль районнары белән видеоконференцэлемтә режимында Татарстан Премьер-министры Алексей Песошин уздырды.

Татарстанда «Безнең ишегалды" программасы буенча эшләр дәвам итә, үтәлеш 28%

Татарстанда «Безнең ишегалды» программасы кысаларында быел төзекләндерү эшләре төгәлләнәчәк беренче район Зәй муниципаль районы булачак. Бу хакта бүген ТР Хөкүмәте Йортында узган киңәшмәдә «ТР шәһәрләрен үстерү институты» фондының шәһәр мохитен үстерү программалары департаменты җитәкчесе Арина Петрова хәбәр итте. Киңәшмәне барлык муниципаль районнар белән видеоконференцэлемтә режимында Татарстан Премьер-министры Алексей Песошин уздырды.

ЯҢАЛЫКЛАРГА ЯЗЫЛУ