Татарстан Президенты Мамадыш һәм Балык бистәсе районнарында эш сәфәрендә була
Бүген Татарстан Республикасы Президенты Рөстәм Миңнеханов Мамадыш һәм балык бистәсе муниципаль районнарына эш сәфәре кыла.
Визитның төп максаты - район советларының йомгаклау утырышларында катнашу, анда 2015 елда социаль-икътисадый үсеш йомгаклары һәм 2016 елга бурычлар турында сүз барачак.
Моннан тыш, Рөстәм Миңнеханов "Мамадышский Промкомбинат" фирма киемен тегү предприятиесе эшчәнлеге белән танышырга һәм яңа күп фатирлы йорттагы фатирлардан ачкычларны торучыларга тапшырырга ниятли. Шуннан эш программасында - 87 нче номерлы Мамадыш һөнәри колледжында уку лабораторияләрен карау.
Балык Бистәсе районында Рөстәм Миңнеханов башта Троицк-Урай авылында Габитовлар КФХ гаилә фермасында була, аннан крестьян-фермер хуҗалыклары башлыклары һәм районның авыл хуҗалыгы предприятиеләре җитәкчеләре белән очрашачак. Әңгәмәнең төп темасы алдагы чәчү кампаниясе булачак.
Балык Бистәсе шәһәр тибындагы поселокта ТР Президентына берничә яңа объектны күрсәтәчәкләр: 2015 елда республика программалары буенча төзелгән "Йолдыз" 80 кешелек балалар бакчасы һәм тамашачылар залы 350 урынга исәпләнгән район мәдәният йорты.