Рөстәм Миңнеханов «Федерал-Могул Холдингс» Америка компаниясе җитәкчелеге белән очрашты
Бүген Татарстан Республикасы Президенты Рөстәм Миңнеханов «Федерал-Могул Холдингс» корпорациясе Директорлар советы рәистәше, «Федерал-Могул Пауэртрейн» генераль директоры Райнер Юкшток белән очрашты.
Очрашу Казан Кремлендә узды, анда шулай ук ТР Премьер-министры урынбасары – ТР сәнәгать һәм сәүдә министры Альберт Кәримов, «КАМАЗ» ГАҖ генераль директоры Сергей Когогин, Татарстан Президенты ярдәмчесе Альберт Нәфыйгин һәм башкалар катнашты.
Очрашу барышында яклар Татарстан белән «Федерал-Могул» компаниясе арасында машина төзелеше, аерым алганда, зур йөк автомобильләре һәм бу тармак өчен комплектлаучы җайланмалар җитештерү буенча хезмәттәшлек перспективалары турында фикер алыштылар.
Белешмә өчен:
«Федерал-Могул Холдингс» корпорациясенә 1899 елда Детройтта нигез салынган, халыкара штаб-квартирасы АКШның Мичиган штаты Саутфилд шәһәрендә урнашкан. Компаниядә 34 илдән 50 меңнән артык хезмәткәр эшли.
Төгәлрәк http://www.federalmogul.com сайтында