Татарстанда 2016 ел башыннан төзелеш өлкәсендә хезмәт саклау нормаларын башкару буенча 266 тикшерү үткәрелгән
Татарстан Республикасында 2016 ел башыннан төзелеш өлкәсендә хезмәт саклау нормаларын башкару буенча ТР Дәүләт хезмәт инспекциясе 266 тикшерү үткәргән. Бу хакта бүген ТР Хөкүмәте йортындагы республика киңәшмәсендә ТР төзелеш, архитектура һәм ТКХ министры Ирек Фәйзуллин хәбәр итте.
Киңәшмәне барлык муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Анда шулай ук Татарстан Республикасы Премьер-министрының беренче урынбасары Алексей Песошин да катнашты.
Хезмәт саклау кагыйдәләрен һәм нормаларын бозу өчен 3 млн. 1 мең сулмык 78 карар чыгарылган, дип хәбәр итте Ирек Фәйзуллин.
"Татарстан Республикасы төзүчеләр берлеге" үзен-үзе җайга салу оешмасы үз әгъзалары булган 232 оешмада тикшерү үткәргән.
ТР төзелеш, архитектура һәм ТКХ министры искәрткәнчә, республикада санитар-экология ике айлыгы дәвам итә. Министрлык һәм ТР дәүләт төзелеш күзәтчелеге инспекциясе төзелеш мәйданчыклары территорияләрендә "Чиста төзелеш" чарасын уздыра.
1-12 апрель көннәрендә ТР дәүләт төзелеш күзәтчелеге инспекциясе 10 хокук бозу ачыклаган һәм 10 административ беркетмәләр төзегән.