Татарстан Республикасы Хөкүмәте

Рөстәм Миңнеханов: нефть эшкәртү һәм нефтехимия заводлары комплексы югары өстәмә кыйммәмле продукция җитештерергә тиеш"

2010 елның 4 ноябре, пәнҗешәмбе

Бүген Татарстан Республикасы Президенты Рөстәм Миңнеханов Түбән Камада Нефть эшкәртү һәм нефть химиясе заводлары комплексы объектлары төзелеше буенча республика штабы утырышын үткәрде.

Утырыш Түбән Камада төзелеш штабында узды.

Рөстәм Миңнеханов утырышны ачканда, 26 октябрьдә Россия Президенты Дмитрий Медведевның Татарстанга визиты республика өчен истәлекле вакыйга булуын билгеләп узды. Россия Президенты эшләтеп җибәрү-көйләү режимында эш башларга старт биргән иде. Моның белән бәйле рәвештә Рөстәм Миңнеханов “Татнефть” ААҖ, “ТАНЕКО” ААҖ һәм башка подрядчы оешмалар җитәкчелегенә проект буенча җайга салынган эш өчен рәхмәт белдерде.

Аннары Татарстан Президенты утырышта катнашучылар алдына якын киләчәккә бурычлар куйды. “Бары тик төзелештән алып эшләтеп җибәрүгә кадәр юл үткән кеше генә башкарылган эшкә чынлап торып бәя бирә ала, - дип билгеләп үтте ТР Президенты. – Бүген без яңа бурычлар билгеләргә тиеш. Безнең өчен Нефть эшкәртү һәм нефть химиясе заводлары комплексының табыш китерүе һәм югары өстәмә кыйммәтле продукция чыгаруы әһәмияткә ия.

Чираттагы этапка әзерекне бәяләү өчен ТР Президенты Рөстәм Миңнеханов, ТР Премьер-министры урынбасары – энергетика министры Илшат Фәрдиев, “Татнефть” ААҖ генераль директоры Шәфәгать Тәхәутдинов һәм башка рәсми затлар комплекның төп объектларында булды, җибәрү-көйләү эшләре барышы белән танышты.

Төзелеш штабы утырышында Рөстәм Миңнеханов ике максатчан бурычны белдерде: тауар продукциясе чыгару, күкерт җитештерү өчен висбрекинг һәм вакуум корылмасын файдалануга тапшыру. ТР Президенты йөкләмәләрен гамәлгә ашыру өчен “ТАНЕКО” ААҖ хезмәтләре һәм подрядчы оешмалар кабул итә торган төгәл чаралар хакында Нефть эшкәртү һәм нефть химиясе заводлары комплексы директоры Чыңгыз Халиков сөйләде. Ул перспективалы планнар, җибәрү-көйләү эшләре, проект өчен җиһазлар һәм материаллар белән тәэмин итү мәсьәләсе турында белдерде.

Рөстәм Миңнеханов утырышка нәтиҗә ясап, куелган бурычлар төгәл срокта үтәлергә тиеш дип ассызыклады.

ТР Президенты матбугат хезмәте, "ТАНЕКО" ААҖ матбугат хезмәте.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2026 ел

ТР экология һәм табигый байлыклар министры Азат Җиһаншин санитар-экологик ике айлыкның арадаш йомгакларын тәкъдим итте

Бүген Татарстан экология һәм табигый байлыклар министры Азат Җиһаншин Татарстан Республикасы Хөкүмәте Йортында узган киңәшмәдә санитар-экологик ике айлыкның арадаш нәтиҗәләре турында сөйләде. Киңәшмәне Татарстан Рәисе Рөстәм Миңнеханов уздырды, видеоконференцэлемтә режимында киңәшмәдә республиканың барлык муниципаль районнары катнашты.

Татарстанда 24 муниципалитетта 296 күп фатирлы йортка капиталь ремонт ясауга керешкәннәр, барлыгы 706 күп фатирлы йортка ремонт ясалачак

Татарстан Республикасында 24 муниципаль берәмлектә 296 күп фатирлы йортка капиталь ремонт ясауга керешкәннәр. Быел 41 муниципаль берәмлектә барлыгы 706 күп фатирлы йортка капиталь ремонт ясалачак. 6 муниципаль берәмлектә 44 йортта 99 лифт алмаштыру каралган. Мондый мәгълүматларны бүген ТР Хөкүмәте Йортында узган киңәшмәдә ТР төзелеш, архитектура һәм торак-коммуналь хуҗалык министры Марат Айзатуллин китерде. Киңәшмәне Татарстан Рәисе Рөстәм Миңнеханов үткәрде. Бүген киңәшмәдә Еврей автономияле өлкәсеннән (ЕАӨ) коллегалар катнаша – бу өлкәдән делегация тәҗрибә уртаклашу өчен республикага эш сәфәренә килгән.

апрель, 2026 ел

Казанга Кытай Халык Республикасы Оборона министры Дун Цзюнь килде

Бүген Казанга Кытай Халык Республикасы (КХР) Оборона министры дун Цзюнь килде. Г. Тукай исемендәге «Казан» халыкара аэропортында кунакны Татарстан Республикасы Премьер-министры Алексей Песошин, КХРның Казандагы Генераль консуллыгы вәкилләре, башка рәсми затлар каршы алды.

ТР Хөкүмәте Йортында ТР телләре турындагы законнарны гамәлгә ашыру советы һәм Габдулла Тукайның 140 еллыгын бәйрәм итү буенча оештыру комитетының уртак утырышы узды

Бүген Татарстан Республикасы Хөкүмәте Йортында Татарстан Республикасы Министрлар Кабинеты каршындагы Татарстан Республикасы телләре турындагы законнарны гамәлгә ашыру советының һәм Габдулла Тукайның тууына 140 ел тулуны бәйрәм итүгә әзерлек һәм аны үткәрү буенча оештыру комитетының уртак утырышы узды. Утырышны Татарстан Республикасы Премьер-министры Алексей Песошин алып барды.

ЯҢАЛЫКЛАРГА ЯЗЫЛУ