Татарстан Премьер-министры Илдар Халиков ENES-2016 халыкара форумында катнаша
Татарстан Республикасы Премьер-министры Илдар Халиков бүген Мәскәүдә энергонәтиҗәлелек һәм энергетиканы үстерү буенча ENES халыкара форумы эшендә катнаша.
Бу чарада шулай ук Татарстаннан делегация катнаша, аның составында ТР сәнәгать һәм сәүдә министры Альберт Кәримов, ТР Төзелеш, архитектура һәм ТКХ министрлыгы, ТР Министрлар Кабинеты каршындагы ТР Энергия саклау технологияләр үзәге, ТРның ягулык-энергетика комплексы предприятиеләре, Казан дәүләт энергетика университеты вәкилләре бар.
Форумда Татарстанның бердәм экспозициясе төбәкнең энергия саклау һәм энергетика нәтиҗәлелеген күтәрү өлкәсендәге тәҗрибәсен чагылдыра.
ENES халыкара форумында “Татнефть” ГАҖ, “Түбәнкаманефтехим” ГАҖ, “Казаноргсинтез” ГАҖ, “Казан вертолет заводы” ГАҖ, “Генерирующая компания”ААҖ, “ТГК-16” ААҖ, “Сетевая компания” АҖ, “Татэнергосбыт” АҖ, Казан дәүләт энергетика университеты, “Ледел” ҖЧҖ, “РариТЭК” ҖЧҖ катнаша.
Фору кысаларында Илдар Халиков җитәкчелегендәге Татарстан делегациясе пленар утырышта катнаша.
Россия Федерациясе субъектлары һәм хакимиятнең федераль органнар башлыклары тарафыннан аз халыклы һәм ерактагы торак пунктларның социаль инфраструктурасын комплекслы үстерү өлкәсендә уртак декларация имзалау планлаштырыла.