Рөстәм Миңнеханов Идел буе агоросәнәгать форумы кысаларындагы авыл хуҗалыгы күргәзмәләре стендларын карады
Бүген Татарстан Республикасы Президенты Рөстәм Миңнеханов агросәнәгать комплексы эшенә багышланган ике тематик күргәзмә экспозицияләре белән танышты.
Идел буе агросәнәгать форумы кысаларында "Казан ярминкәсе" КҮ территориясендә «Агрокомплекс: Интерагро. Анимед. Идел буе фермеры» 20 нче халыкара махсуслаштырылган күргәзмә һәм «Волгапродэкспо» 17 нче махсуслаштырылган күргәзмә тәкъдим ителде. Әлеге форум - Татарстан Республикасы һәм Идел буе өчен аеруча әһәмиятле чараларның берсе.
Павильоннар алдында заманча авыл хуҗалыгы техникасы - тракторлар, комбайн, туфрак эшкәртү һәм чәчү техникасы, ашлыккиптергечләр, терлекчелек фермалары өчен техника һәм башкалар крсәтелгән. Барлыгы 150 берәмлектән артык техниканы 30 компания тәкъдим итә, шулар арасында - «Татагролизинг» АҖ, «МК «Тарос» ЯАҖ, «Проминтел-Агро» ЯАҖ, «ТФ «Техномаркет» ҖЧҖ, «Чистополь-Агросервис» ҖЧҖ һәм башкалар.
Рөстәм Миңнехановны ТР Премьер-министры - авыл хуҗалыгы һәм азык-төлек министры Марат Әхмәтов һәм башкалар озата йөрде.
Кунакларга New Holland һәм Claas авыл хуҗалыгы техникасын җитештерүче компанияләр продукциясен күрсәттеләр.
"Казан ярминкәсе" нең икенче павильонында Татарстан Республикасының эшкәртүче һәм азык-төлек җитештерүче эре предприятиеләре продукциясе күрсәтелгән. Алар арасында - «Хлебзавод №3» ААҖ, «НэфисБиопродукт» ААҖ, «Данон Россия» АҖ нең «Эдельвейс» сөт комбинаты, «Майский» теплица комбинаты, «Челны-бройлер» ҖЧҖ, «Эссен Продакшн» ЯАҖ һәм башкалар.
Рөстәм Миңнеханов, аерым алганада, "Майский" теплица комбинаты продукциясен кабып карады - җир җиләге һәм яшелчәләр.
Татарстан Президенты шулай ук фермер хуҗалыклары продукциясе белән танышты, авыл хуҗалыгы предприятиеләре һәм фермерларга кредит бирүче банклар тәкъдимнәрен бәяләде.
Аннары Рөстәм Миңнехановка республика кырларында файдаланыла торган минераль ашламалар өлкәсендәге яңалыклар, авыл хуҗалыгы предприятиеләрендәге техника паркын үстерү турында хәбәр иттеләр.
Күргәзмәдә шулай ук авыл хуҗалыгы тармагына караган югары уку йортлары да катнаша, алар авыл хуҗалыгы тармагы өчен белгечләр әзерләү программаларын һәм кадрларны яңадан өйрәтү программаларын тәкъдим итә.