Татарстан Республикасы Хөкүмәте

Михаил Бабич Рөстәм Миңнехановның Татарстан Республикасы Президенты вазифасындагы казанышларын югары бәяләде

2017 елның 1 марты, чәршәмбе

Россия Федерациясе Президентының Идел буе федераль округындагы Тулы вәкаләтле вәкиле Михаил Бабич Рөстәм Миңнехановны 60 яшьлек юбилее белән котлавында аның Татарстан Республикасы Президенты вазифасындагы казанышларын югары бәяләде.

«Хөрмәтле Рөстәм Нургалиевич! Чын күңелемнән Сезне юбилеегыз белән тәбриклим!

Республика Президенты вазифасында Сезнең алда шактый гына кыен бурычлар торды, аларны хәл итүгә Татарстан репутациясе генә түгел, бөтен илебез абруе бәйле иде. Сез барлык сынауларны да уңышлы җиңеп чыгасыз, һәм федерациянең башка субъектларына төбәкне ничек үстерергә тиешлек һәм үстерү мөмкинлеге буенча үрнәк булып торасыз.

Юбилеегыз котлы булсын, хөрмәтле Рөстәм Нургалиевич! Сезгә нык сәламәтлек, рух көче һәм зур уңышлар телим!»

ТР Президенты Матбугат хезмәте.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

апрель, 2024 ел

Рөстәм Нигъмәтуллин янгын куркынычсызлыгы сезонына әзерлек буенча киңәшмә үткәрде

Татарстан Республикасы Премьер-министрының беренче урынбасары Рөстәм Нигъмәтуллин янгын куркынычсызлыгы сезонына әзерлек буенча киңәшмә үткәрде. Чара ТР Хөкүмәте Йортында узды.

апрель, 2024 ел

ТР Хөкүмәте Йортында узган брифингта ТР Рәисе ярдәмчесе Олеся Балтусова «РЕБУС" форумы, «Том Сойер фест» планнары һәм Чаллы үзәген үзгәртергә керешергә теләве турында сөйләде

2024 елда «РЕБУС» форумы 14-15 ноябрьдә узачак, анда Кытай экспертлары катнашачак. Бу хакта бүген Татарстан Республикасы Хөкүмәте Йортында узган брифингта Татарстан Рәисе ярдәмчесе Олеся Балтусова хәбәр итте. Исегезгә төшерәбез, брифинг мәдәни мирас объектларын саклау темасына багышланган иде. Видеоконференцэлемтә режимында брифинг республиканың барлык муниципаль районнарына трансляцияләнде. Брифинг Халыкара һәйкәлләр һәм тарихи урыннар көненә багышланды (18 апрельдә билгеләп үтелә).

Иннополиста Россия венчур форумының «нуль" көне узды

Иннополиста Россия венчур форумының рәсми «нуль» көне тәмамланды, аның темасы – «Технологик эшкуарлык: югары компетенцияләр киңлеге». «Нуль көн» чараларында спикерлар һәм экспертлар, инвесторлар, стартаплар һәм венчур фондлары, Россиянең инновацион төбәкләре ассоциациясе, эре корпорацияләр һәм үсеш институтлары вәкилләре катнашты. Катнашучылар арасында Татарстан Республикасы Премьер-министры урынбасары Роман Шәйхетдинов та бар.

Татарстанда дәүләт саклавына кую өчен 100 мәдәни мирас объектын тикшерәчәкләр

2024 елда Мәдәни мирас объектларын саклау комитеты 100гә якын объектны дәүләт саклавына кую өчен тарихи-мәдәни экспертиза үткәрәчәк. Шулай ук 20 археология һәйкәлен тикшерәчәкләр. Бу хакта Татарстан Республикасы Министрлар Кабинетында узган брифингта ТР Мәдәни мирас объектларын саклау комитеты рәисе Иван Гущин сөйләде.

ЯҢАЛЫКЛАРГА ЯЗЫЛУ