Татарстан Республикасы Президенты Рөстәм Миңнеханов Татарстан Республикасы Волейбол федерациясе президенты Фәрит Мөхәммәтшинны, Татарстан Республикасы «Динамо» ФСО ОГО рәисе Әсгать Сәфәровны, «Зенит-Казан» волейбол клубы президенты Рәфкать Кантюковны, «Зенит-Казан» волейбол командасы баш тренеры Владимир Алекноны, шулай ук «Зенит-Казан» волейбол клубы коллективын Чемпионнар лигасы-2017дә җиңүләре белән котлады.
«Сезнең барыгызны да чын күңелдән Казан волейболчыларының Чемпионнар лигасы-2017дә сокландыргыч җиңүе белән котлыйм, - диелә телеграмма текстында. – Финал, чыннан да, чемпионнарча,куәтле һәм мавыктыргыч булды, зенитлылар көчле көндәшләре «Перудже»га бертөрле дә шанс калдырмадылар. Барыгызга да рәхмәт – команда уенчыларына да, тренерларына да, менеджерларына да – системалы, бердәм хезмәтләре өчен, сугышчан рух һәм җиңүгә омтылыш өчен, лаеклы һәм күркәм нәтиҗә өчен. Бу Казан волейболының, тулаем илебез спортының җиңүле елъязмасында тагын бер мактаулы сәхифә. Чын күңелдән «Зенит-Казан» командасына яңа уңышлар телим, сезгә көчлеләргә генә хас җиңүләр һәрчак юлдаш булсын. Барыгызга да нык сәламәтлек, күңел күтәренкелеге һәм бәхет.
Татарстан Республикасы Президенты Р.Н. Миңнеханов».