Татарстан Республикасы Хөкүмәте

Рөстәм Миңнеханов ЭКСПО-2017 ачылышында катнашу өчен Казахстан Республикасына килде

2017 елның 9 июне, җомга

Бүген Татарстан Республикасы Президенты Рөстәм Миңнеханов Казахстан Республикасына эш сәфәре белән килде, ул Астана шәһәрендә ЭКСПО-2017 халыкара махсуслаштырылган күргәзмәсен ачу тантанасында катнашачак. Татарстан Республикасы Президенты Россия Федерациясе Президенты Владимир Путин җитәкчелегендәге рәсми делегация составына керде.
Казахстан башкаласына килүгә үк, Рөстәм Миңнеханов ЭКСПО-2017 күргәзмә комплексы экспозицияләрен карарга юнәлде. Бүген күргәзмә үзәгендә Шанхай хезмәттәшлеге оешмасы илләре делегацияләре башлыклары булачак һәм ЭКСПО-2017 ачылышында катнашачак дип көтелә. Шулай ук Татарстан Республикасы Президенты "Астана ЭКСПО-2017" илкүләм компаниясе" АҖ идарәсе рәисе Әхмәтҗан Есимов белән очрашырга җыена.
Искәртәбез, бу көннәрдә Астанада Шанхай хезмәттәшлеге оешмасы әгъзалары-дәүләтләр башлыклары Советы утырышы уза.
Шанхай хезмәттәшлеге оешмасы әгъзалары-дәүләтләр башлыклары Советы утырышында оешманың киләчәк эшчәнлеген камилләштерү буенча конкрет адымнар турында фикер алышканнар.

ТР Президенты Матбугат хезмәте

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

ТР Хөкүмәте Йортында 2026 елгы Россия венчур форумын оештыру комитетының икенче утырышы узды

Бүген Татарстан Республикасы Хөкүмәте Йортында 2026 елгы Россия венчур форумын оештыру комитетының икенче утырышы узды. Утырыш Россия Федерациясе Фән һәм югары белем министры Валерий Фальков рәислегендә (видеоконференцэлемтә режимында) һәм Татарстан Премьер-министры Алексей Песошин рәистәшлегендә узды. Утырышта шулай ук Россия Икътисадый үсеш министрлыгының Стратегик үсеш һәм инновацияләр департаменты директоры Оксана Сотникова катнашты.

Алексей Песошин: Һөнәр берлекләре безнең тормышта әһәмиятле урын алып тора, һәм һөнәр берлекләре хәрәкәтенең роле арта гына бара.

Бүген Татарстан Республикасы Премьер-министры Алексей Песошин Татарстан Республикасы Һөнәр берлекләре федерациясенең 30 нчы хисап-сайлау конференциясе эшендә катнашты. Чара Казанның «Сәйдәш» мәдәни үзәгендә узды. Конференциядә катнашу өчен Татарстан башкаласына «Россия Бәйсез һөнәр берлекләре федерациясе» гомумроссия берлеге рәисе Сергей Черногаев килде.

декабрь, 2025 ел

ТР Хөкүмәте Йортында узган брифингта ОРВИ һәм грипп белән авыручылар саны турында фикер алыштылар

Сентябрь башланганнан бирле Татарстан Республикасында грипп һәм ОРВИ белән авыручыларның сезонлы артуы күзәтелә. Ноябрьнең соңгы атнасында авыручылар күрсәткече 10 мең кешегә исәпләгәндә 34,3 тәшкил итте. Авыру дәрәҗәсе эпидемия бусагасыннан 15,7%ка түбән кала. Бу хакта бүген ТР Хөкүмәте Йортында узган брифингта Роспотребнадзорның Татарстан буенча идарәсе җитәкчесе Марина Патяшина хәбәр итте.

Алексей Песошин Татарстанның «Ел юристы» юридик премиясен һәм Г. Ф. Шершеневич исемендәге Бөтенроссия юридик премиясен тапшыру тантанасында катнашты

Татарстан Премьер-министры Алексей Песошин Татарстан Республикасының «Ел юристы» юридик премиясен һәм Г.Ф. Шершеневич исемендәге Бөтенроссия юридик премиясен тапшыру тантанасында катнашты. Чара Казан федераль университетында узды.

ЯҢАЛЫКЛАРГА ЯЗЫЛУ