Татарстан Республикасы Хөкүмәте

Татарстан Президенты “Булгария” теплоходында эшләүче водолазларга рәхмәт белдерде

2011 елның 13 июле, чәршәмбе

Татарстан Президенты Рөстәм Миңнеханов “Булгария” теплоходы баткан урында булды.

Коткару операциясен координацияләүче ТР Президенты Гражданнар оборонасы эшләре һәм гадәттән тыш хәлләр министрлыгы штабында селектор киңәшмәсендә булды. Аннары республика башлыгы министрлык катерында судно һәлакәткә очраган урында булды һәм водолазлар белән аралашты.

Татарстан Президенты штабка кайткач, журналистларга эзләү эшләре дәвам итә, бүген эш алып бару өчен һава торышы яхшы, диде. Алдагы көннәрдә водолазлар судноның кайбер бүлмәләренә керә алмаган, хәзер бу мәсьәлә хәл ителгән.

“Булгария” теплоходы баткан урында коткару операциясе эшләрендә катнашучыларны республика дәрәҗәсендә бүләкләү турында карар кабул ителәчәк, дип белдерде ТР Президенты.

БАРЛЫК ЯҢАЛЫКЛАРНЫ УКУ

СОҢГЫ ЯҢАЛЫКЛАР

декабрь, 2025 ел

ТР Хөкүмәте Йортында бәйрәм чараларын һәм иминлекне тәэмин итү чараларын үткәрү мәсьәләләре буенча брифинг узды

Яңа ел бәйрәмнәре чорына республикада бик күп чаралар планлаштырылган. Биредә «Күрше фест» фестивале һәм «Татарстанда кыш» программасы активлыгы аерым урын алып тора. Бу хакта ТР Хөкүмәте Йортында узган брифингта ТР Премьер-министры урынбасары Ләйлә Фазлыева сөйләде.

Алексей Песошин: Кешеләрнең уңайлы һәм имин тормышын тәэмин итүдә энергетика комплексының әһәмияте бәяләп бетергесез

Кешеләрнең уңайлы һәм имин тормышын тәэмин итү өчен энергетика комплексының әһәмияте бәяләп бетергесез. Бу хакта Татарстан Премьер-министры Алексей Песошин «Татэнерго»да Энергетика көненә багышланган тантаналы чарада белдерде.

декабрь, 2025 ел

Татарстанда социаль-мәдәни объектларга капиталь ремонт төгәлләнгән

Татарстан Республикасында социаль-мәдәни билгеләнештәге объектларны капиталь ремонтлау буенча гаять зур эш тәмамланган. Быел эш 34 республика, дәүләт һәм федераль программа кысаларында оештырылган. 2025 ел башыннан 15 млрд сумлык 713 объект ремонтланган. Мондый мәгълүматларны ТР Хөкүмәте Йортында узган киңәшмәдә ТР төзелеш, архитектура һәм ТКХ министрының беренче урынбасары Дамир Шәйдуллин китерде. Киңәшмәне барлык муниципаль районнар белән видеоконференцэлемтә режимында Татарстан Рәисе Рөстәм Миңнеханов уздырды. Киңәшмәдә шулай ук Татарстан Республикасы Премьер-министры Алексей Песошин да катнашты.

Алексей Песошин иминлек органнары хезмәткәрләрен һәм ветераннарын Россия Федерациясе иминлек органнары хезмәткәрләре көне белән котлады

Татарстан Премьер-министры Алексей Песошин иминлек органнары хезмәткәрләрен һәм ветераннарын Россия Федерациясе иминлек органнары хезмәткәрләре көне белән котлады.

ЯҢАЛЫКЛАРГА ЯЗЫЛУ