ЯҢАЛЫКЛАР
Татарстан Республикасында 1,4 млн гектар мәйданнарда уңыш җыелган. Аграрчылар 4,2 млн тонна алык җыйганнар. Уңышлылык - 30 ц/га. Бу хакта бүген ТР Премьер-министры урынбасары - авыл хуҗалыгы һәм азык-төлек министры вазифаларын башкаручы Марат Җәббаров ТР Хөкүмәте Йортында узган республика киңәшмәсендә хәбәр итте. Киңәшмәне бөтен муниципаль районнар белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмә эшендә ТР Премьер-министры Алексей Песошин катнашты.
Татарстан Республикасында хезмәтне саклау өлкәсендә 2019 ел башланганнан бирле Дәүләт төзелеш күзәтчелеге инспекциясе тарафыннан 1 мең 75 906 тикшерү уздырылган. Хезмәтне саклау кагыйдәләрен һәм нормаларын бозган өчен 11 млн. 151 мең сумлык 279 карар чыгарылган. Үзлегеннән җайга салынучы оешма тарафыннан 911 оешма әгъзасына тикшерү уздырылган. Бүген бу хакта Татарстан Республикасы Хөкүмәте йортында узган республика киңәшмәсендә Татарстан Республикасы төзелеш, архитектура һәм ТКХ министры Ирек Фәйзуллин хәбәр итте.
Киңәшмәне республиканың барлык муниципалитетлары белән видеоконференцэлемтә режимында Татарстан Республикасы Президенты Рөстәм Миңнеханов уздырды. Киңәшмәдә Татарстан Республикасы Премьер-министры Алексей Песошин да катнашты.
Татарстан Премьер-министры Алексей Песошин бүген Татарстан Җир һәм милек мөнәсәбәтләре министрлыгы коллективына яңа җитәкче – Фәнил Әһлиуллинны тәкъдим итте.
Искә төшерәбеәз, бүген Татарстан Президенты Указы белән, Азат Хамаев Татарстан Дәүләт Советына депутат итеп сайлану сәбәпле, ТР җир һәм милек мөнәсәбәтләре министры вазифасыннан азат ителде.
Бүген Игенчеләр сараенда Авыл хуҗалыгы һәм азык-төлек министры вазифаларын башкаручыны билгеләделәр.
Марат Әхмәтов Дәүләт Советына депутат итеп сайланды һәм министрлык вазифасыннан китте. Татарстан Авыл хуҗалыгы һәм азык-төлек министры вазифаларын башкаручы итеп Марат Җаббаров билгеләнде.
Татарстан Премьер-министры Алексей Песошин Яшел Үзән район Советының 50 нче сессиясендә катнашты. Көн тәртибенә Яшел Үзән мэры һәм Яшел Үзән районы башлыгы Александр Тыгинның вакытыннан алда вәкаләтләре тукталу мәсьләсе куелган иде.
Бүген Марат Җәббаров Татарстан Республикасы Премьер-министры урынбасары - авыл хуҗалыгы һәм азык-төлек министры вазифаларын башкаручы итеп билгеләнде. Бу хакта указны Татарстан Республикасы Президенты Рөстәм Миңнеханов имзалады.
Татарстанның Лаеш районының элеккеге башлыгы Михаил Афанасьев Яшел Үзән районы җитәкчесе вазифаларын башкаручы итеп билгеләнде. Бу хакта Татарстан Премьер-министры Алексей Песошин рәислегендә узган район Советы утырышында билгеле булды.
Татарстан Премьер-министры Алексей Песошин Теләче район Советының чираттан тыш утырышында катнашты.
Татарстанның Теләче муниципаль районы башлыгы Илдус Зарипов үз эшеннән китте.
Евгений Шварц пьесасы буенча куелган яңа “Дракон” спектакле Качалов театрында барган иң “үткен” спектакльләрдән санала. Бу хакта ТР Хөкүмәте йортында узган 2019-2020 елларда театраль сезон ачылуга багышланган брифингта Качалов театрының сәнгать җитәкчесе Александр Славутский сөйләде.
Муса Җәлил исемендәге Татар дәүләт опера һәм балет театры директоры Рәүфәл Мөхәммәтҗанов театрда куелган татар спектакльләре Франциянең Mezzo каналында бер ай дәвамында күрсәтеләчәген әйтте. Бу хакта ул ТР Хөкүмәте йортында үткән 2019-2020 елларда театраль сезон ачылуга багышланган брифингта сөйләде.