ЯҢАЛЫКЛАР

“Татарстан Республикасы Президенты Минтимер Шәймиев Тимур Шаһивәлиевнең Кече һәм урта эшмәкәрлекне үстерү буенча Татарстан Республикасы комитеты рәисе итеп билгеләнүе турындагы указга кул куйды”, - дип хәбәр итә Татарстан Республикасы Президенты матбугат хезмәте.

Татарстан Республикасы Премьер-министры Рөстәм Миңнеханов бүген Татарстан Республикасы Министрлар Кабинетының Гражданлык хәле актларын теркәү идарәсе хезмәткәрләренә яңа җитәкче - Эльмира Мавринаны тәкъдим итте.

Бүген Татарстан Республикасы Хөкүмәтендә Татарстан Республикасы Хайваннар дөньясы объектларын саклау һәм куллану буенча идарә начальнигы вазыйфаларын башкаручыны тәкъдим итү булды. Таныштыруны Татарстан Республикасы Премьер-министры Рөстәм Миңнеханов уздырды.

Бүген Казанда Татарстан Республикасы буенча Наркотиклар кулланылышын контрольдә тоту буенча Федераль хезмәт идарәсе коллегиясе булып узды. Аның эшендә Татарстан Республикасы Премьер-министры Рөстәм Миңнеханов та катнашты.

Татарстан Республикасы территориясендә, катлаулы һава шартлары белән бәйле рәвештә, “Буран” планы игълан ителде. Мондый карар бүген Гадәттән тыш хәлләрне кисәтү һәм бетерү һәм янгын куркынычсызлыгын тәэмин итү буенча комиссия утырышында кабул ителде. Утырыш Татарстан Республикасы Премьер-министры урынбасары Равил Моратов рәислегендә Татарстан Республикасының Кризиска каршы тору үзәгендә узды.

Татарстанның Премьер-министры Рөстәм Миңнеханов бүген “Динамо-Казан” чирәмдәге хоккей командасын сезонны уңышлы тәмамлавы белән котлады. Татарстан Республикасы Министрлар Кабинетында үткәрелгән очрашуда команда уенчылары, тренерлары, клуб җитәкчеләре һәм спонсорлары, шулай ук Рәсәйнең Чирәмдәге хоккей федерациясе президенты Сергей Чеченков катнашты.

Бүген Татарстан Республикасы Министрлар Кабинетында Татарстан Республикасы Муниципаль берәмлекләр советы Президиумы утырышы булып узды. Аның эшендә Татарстан Республикасының беренче вице-премьеры Равил Моратов та катнашты.

2008 елның 22 нче гыйнварында «Химград» Технополисы территориясендә (Восстание ур., 100) Татарстан Республикасы Премьер-министры Рөстәм Миңнеханов катнашында «Химград» Технополисы төзелеше мәсьәләләре буенча киңәшмә үткәрелде.

Татарстан Республикасы Президенты каршындагы Дәүләт торак фондының 2008 елга инвестиция программасы Татарстан Министрлар Кабинеты брифингында күтәрелгән аерым тема булды. Бүген фонд директоры Тәлгать Абдуллин республикада льготалы торак төзелеше буенча планнарның кайберләрен җентекләп ачып салды.

Бүген Татарстан Министрлар Кабинетында Татарстан Республикасы Премьер-министры Рөстәм Миңнехановның «Белруснефтегаз» ЯАҖ идарәсе рәисе Рашад Корбанов белән очрашуы булып узды.