ЯҢАЛЫКЛАР
Мәскәүдә "Ростех" дәүләт корпорациясе генераль директоры Сергей Чемезов рәислегендә "КАМАЗ" ГАҖ директорлар советының чираттагы утырышы узды.
Бу чарада Татарстан Республикасы Премьер-министры, "КАМАЗ" директорлар советының кадрлар һәм бүләкләүләр комитеты рәисе Илдар Халиков катнашты.
Татарстан сәнәгать җитештерүе күләменең 10%тан артыгы автомобиль сәнәгате өлешенә туры килә – бу 200 млрд сум. Мондый мәгълүматларны бүген “Казан ярминкәсе” күргәзмәләр залында узган “TIAF supported by Automechanika” III халыкара автомобиль төзелеше форумының пленар утырышында хәбәр иттеләр.
Казанда баскетбол буенча ир-атлар җыелма командалары арасында халыкара дәрәҗәдә иптәшләрчә турнир уздыру турында бүген Татарстан Республикасы Хөкүмәт Йортында сүз барды.
Әлеге тема Татарстан Республикасы Президенты Рөстәм Миңнеханов белән баскетбол федерациясе вәкилләре белән очрашулары вакытында күтәрелде.
Бүген Татарстан Республикасы Президенты Рөстәм Миңнеханов «Пивоварня Москва-Эфес» АҖ җитәкчелеге белән очрашты.
Чара ТР Хөкүмәте Йортында узды.
«Пивоварня Москва-Эфес» компаниясе ягыннан очрашуда генераль директоры Рой Алан Корниш, корпоратив мөнәсәбәтләр буенча директор Вадим Боцан-Харченко, корпоратив мөнәсәбәтләр буенча региональ директор (Казан) Станислав Аверьянов катнаштылар.
Бүген Татарстан Республикасы Президенты Рөстәм Миңнеханов киләчәктә үзара файдалы хезмәттәшлек мәсьәләләре турында Turkuaz Textile компаниясе генераль директоры Атилла Шөкрү Зәйбәкҗи җитәкчелегендәге Төркия делегациясе вәкилләре белән фикер алышты.
Очрашу Рөстәм Миңнехановның Татарстан Республикасы Хөкүмәте Йортындагы эш кабинетында узды, анда Татарстан Республикасы Президентының халыкара мәсьәләләр буенча киңәшчесе Радик Гыйматдинов, Татарстан Республикасы Инвестицион үсеш агентлыгы җитәкчесе Талия Миңнуллина, Татарстан Республикасының Төркия Республикасындагы вәкаләтле вәкиле Айрат Гатауллин катнашты.
“TIAF supported by Automechanika” III халыкара автомобиль төзелеше форумы ачылышы тантанасында бүген Татарстан Республикасы Премьер-министры Илдар Халиков катнашты. Бу чара “Казан ярминкәсе” күргәзмәләр залында узды.
Бүген Татарстан Республикасы Президенты Рөстәм Миңнеханов «АВТОВАЗ» ГАҖ президенты Николь Мор белән очрашты.
Очрашу Рөстәм Миңнехановның Татарстан Республикасы Хөкүмәте Йортындагы эш кабинетында узды, анда Татарстан Республикасы Премьер-министры Илдар Халиков, Татарстан Республикасы Президенты ярдәмчесе Альберт Нәфыйгин, Татарстан Республикасы Премьер-министры урынбасары – Татарстан Республикасы сәнәгать һәм сәүдә министры Альберт Кәримов, «АВТОВАЗ» ГАҖ вәкилләре катнашты.