Рөстәм Миңнеханов “IMG sport, entertainment, media” компаниясе делегациясен кабул итте

Бүген компания делегациясе белән Татарстан Президенты Рөстәм Миңнеханов очрашуында Татарстанның “IMG sport, entertainment, media” стадионнар коммерцияле активлары буенча сәүдә һәм маркетинг буенча әйдәп баручы компанияләрнең берсе белән хезмәттәшлек мәсьәләләре буенча фикер алышынды.
ТР Хөкүмәт йортында очрашуда Казан мэры Илсур Метшин, ТР яшьләр эшләре, спорт һәм туристлык министры Рафис Борһанов, Универсиада Дирекциясе җитәкчесе Владимир Леонов, төзелә торган футбол стадионы директоры Радик Миннәхмәтов катнашты. “IMG sport, entertainment, media” компаниясен вице-президенты Диармуид Кроули, компаниянең Мәскәү офисы җитәкчесе Андрей Дайнеко, ярышлар һәм спорт федерацияләре департаменты директоры Сергей Тукманов тәкъдим итте.
“IMG sport, entertainment, media” компаниясе стадионнар коммерцияле активлары буенча сәүдә һәм маркетинг дөньяви лидеры булып тора һәм яңа спорт объектлары, программалар эшләү, иганәче һәм башка коммерцияле хокуклар, реклама мәйданнары сату белән шөгыльләнә. Аерым алганда, әлеге компания Лондонның танылган “Уэмбли” стадионы партнеры булып тора.
Очрашуда Рөстәм Миңнеханов Казанда 2013 елгы Универсиада белән бәйле рәвештә яңа пәйда булучы спорт объектларын нәтиҗәле файдалануның мөһим булуын ассызыклады. Татарстан Уеннар, спортның су төрләре буенча һәм футбол буенча дөнья чемпионаты алдыннан “IMG sport, entertainment, media” компаниясе белән хезмәттәшлек итү белән кызыксына, дип белдерде ТР Президенты.