Рөстәм Миңнеханов Саранскида форумда Россия Спорт министрлыгы белән килешү төзеде

Бүген Татарстан Президенты Рөстәм Миңнеханов Саранскида “Россия – спорт державасы” халыкара спорт форумында катнаша.
Форум 2011 елның 8 сентябрьдән 11енә кадәр дәвам итә, тантаналы ачылыш һәм пленар утырыш бүген Сарански Боз сараенда уза.
Бүген иртән Рөстәм Миңнеханов форум кысаларында уза торган “Заманча спорт: “Инновацияләр һәм перспективалар - 2011” III халыкара күргәзмә экспозициясе белән танышты. Татарстан Республикасы шулай ук күргәзмә экспоненты булып тора, Татарстан стендында чара кунаклары өчен республиканың спорт тармагы һәм спортның база төрләре үсеше тәкъдим ителә. ТР Президенты шулай ук күргәзмәдә башка катнашучылар стендын да карады, аларда Россия төбәкләрендә кертелә торган яңа спорт индустрияләре тәкъдим ителгән. Аерым алганда, ул бүген Ставропольски крае, Адыгей Республикасы, Рязань өлкәсе һәм башка төбәкләр куллана торган “Арт-Айс” синтетик бозны сынауда катнашты.
Бүген Саранскида “Россия Федерациясе җыелма командасы өчен спортның база һәм параолимпия төрләре буенча спорт резервы әзерләүче спорт оешмаларына адреслы финанс ярдәм күрсәтү өчен Федераль бюджеттан Татарстан Республикасы бюджетына субсидия күчерү турындагы ” килешү имзаланды. Документка Татарстан Президенты Рөстәм Миңнеханов һәм Россия спорт, туристлык һәм яшьләр сәясәте министры Виталий Мутко кул куйды.