Татарстан Республкасы Хөкүмәте сайтында ТР Президенты каршындагы Эшкуарлык советының VI киңәйтелгән утырышыннан туры трансляция алып барылачак

Бүген Чаллыда Ростех дәүләт корпорациясе генераль директоры Сергей Чемезов рәислегендә агымдагы елда «КАМАЗ» ГАҖ Директорлар советының йомгаклау утырышы узды. Утырышта Татарстан Республикасы премьер-министры Алексей Песошин катнашты.  

«КАМАЗ» ГАҖ Директорлар советы әгъзалары компаниянең фәнни-техник үзәге мәйданчыгында оештырылган өр-яңа йөк, пассажир һәм җиңел автотехника күргәзмәсе белән таныштылар. Шулай ук тест-драйв барышында автомобильләрнең йөреш сыйфатларын һәм уңайлылыгын шәхсән бәяләү мөмкинлеге бирелде. Чарада Татарстан Премьер-министры Алексей Песошин, «Ростех» дәүләт корпорациясе генераль директоры, «КАМАЗ» ГАҖ Директорлар советы рәисе Сергей Чемезов, «КАМАЗ» ГАҖ генераль директоры Сергей Когогин, Чаллы шәһәре мэры Наил Мәһдиев һәм башка җитәкчеләр катнашты.

Бүген «КАМАЗ» ГАҖ Директорлар советы кысаларында «КАМАЗ тормоз системалары» ҖЧҖендә дисклы тормозның тормоз механизмнарын җыю линиясе тантаналы рәвештә ачылды. Линия РФ территориясендә дисклы тормозлар җитештерүне локальләштерү проекты кысаларында эшли башлады. Чарада Татарстан Премьер-министры Алексей Песошин, «Ростех» дәүләт корпорациясе генераль директоры, «КАМАЗ» ГАҖ Директорлар советы рәисе Сергей Чемезов, «КАМАЗ» ГАҖ генераль директоры Сергей Когогин, «КАМАЗ тормоз системалары» ҖЧҖ генераль директоры Александр Никонов һәм башка җитәкчеләр катнашты. 

Бүген Татарстан Республикасы Хөкүмәте Йортында узган брифингта Ватан геройларына ярдәм чаралары һәм аларның батырлыклары турында хәтер саклау чаралары турында сөйләштеләр. Ватан геройлары өчен Татарстанда ярдәм чаралары комплексы булдырылган, ул натураль рәвештә ташламаларны да, акчалата түләүләрне дә үз эченә ала, дип хәбәр итте ТР хезмәт, эш белән тәэмин итү һәм социаль яклау министры Эльмира Зарипова.