Сочида Татарстанда җитештерелгән өр-яңа судноны тәкъдим иттеләр

Кичә “Сочи-2011” халыкара инвестиция форумы кысаларында Татарстан Президенты Рөстәм Миңнеханов катнашында, Яшел Үзән судно заводында төзелелгән А145 тизйөрешле пассажир судносы тәкъдим ителде.
А145 тизйөрешле пассажир судносы Сочи диңгез портында тәкъдим ителде. Яңа суднога Россия транспорт министры урынбасары Виктор Олерский, ТР Премьер-министры урынбасары – ТР мәгълүматлаштыру һәм элемтә министры Николай Никифоров, ТР икътисад министры Мидхәт Шаһиәхмәтов, ТР сәүдә һәм сәнәгать министры Равил Зарипов, Армавир мэры Андрей Харченко һәм башка рәсми затлар катнашты. Рөстәм Миңнеханов салонны карады, уңайлы канәфиләрдә утырып карады, техник бинада булды, машина бүлеге эшенә бәя бирде.
Республика башлыгы судноны карагач, А145 проекты перспективаларына югары бәя бирде. Аның сүзләренә караганда, “Булгария” фаҗигасе белән бәйле вакыйгалар “без яңа корабльләр, яңа һава судноларга төзергә тиеш булу” турында сөйли.
“Бу халыкара стандартлар буенча проектланган һәм төзелгән беренче судно”, - дип ассызыклады “Агат Дизайн Бюро” ҖЧҖ директоры-баш конструкторы Сергей Породников.
Хәзерге вакытта завод тагын бер судно төзи, ул 2012 елның маенда файдалануга тапшырылачак. Финанслау лизинг схемасы буенча гамәлгә ашырыла.
Киләчәктә А145 проекты судноларын туристлык һәм даими маршрутлар буенча пассажирларны йөртүдә файдаланырга ниятлиләр. Әлеге судноларны сатып алу белән Россиянең Көньяк һәм Төньяк төбәкләре, Греция, Испания һәм Вьетнам компанияләре кызыксына.
“Без серияле заказчы табарга ниятлибез, - дип ассызыклады Яшел Үзән судно төзелеше заводы генераль директоры Ренат Мистахов. – Завод елына шундый 5 судно төзергә әзер”. Аның сүзләренә караганда, суднога туристлар автотранспортын алыштыру өчен Сочи, Новороссийски, Анапада ихтыяҗ булачак.
Суднонынң якынча бәясе – 8 миллион доллар.