Рөстәм Миңнеханов: "Без "Ernst&Young" белән хезмәттәшлекнең активлашуына ышанабыз"

Татарстан җитәкчелеге «Ernst&Young» компаниясенең республикадагы эшчәнлеге активлашыр. Бүген ТР Президенты Рөстәм Миңнеханов «Ernst&Young» компаниясенең БДБ илләре буенча идарәче партнеры Карл Джоханссон белән очрашу вакытында шундый фикерен белдерде.

Республика башлыгы билгеләп үткәнчә, «Ernst&Young» компаниясе вәкилләренең берничә ел дәвамында Татарстан Президенты, ТР Премьер-министры, министрлыклар һәм ведомстволар дәрәҗәсендә дистәләрчә очрашуы узган. Шуңа да карамастан, компания хәзерге вакытка кадәр Татарстанга бер генә җитди инвестор да китермәгән һәм нинди дә булса сизелерлек эш нәтиҗәләре күрсәтмәгән.

Рөстәм Миңнеханов шулай ук «Ernst&Young» компаниясенең республикада алга таба эшчәнлек алып бару өчен конкрет планнары булмавына да игътибар юнәлтте.

Татарстан Президенты билгеләп үткәнчә, республика җитәкчелеге, шул исәптән консалтинг, аудиторлык һәм инвестиция хезмәтләре базарында да, сәламәт көндәшлекне саклый. Шуңа бәйле рәвештә Рөстәм Миңнеханов «Ernst&Young» компаниясен республика базарындагы көндәшләр көрәшендә активрак катнашырга, аерым алганда, клиентлар өчен көндәшлеккә сәләтле тәкъдимнәр белән чыгарга чакырды.