Рөстәм Миңнеханов: Өлешләп түләү төзелешендә катнашып алданган кешеләр мәсьәләләрен ай саен карарга кирәк

2012 елның 11 феврале, шимбә
2011 елда Татарстан Республикасында 1823 алданган өлешләп түләүчеләр өчен гомуми мәйданы 160 мең кв. метр булган 19 торак йорт файдалануга тапшырылган. Бу хакта бүген ТР Хөкүмәт йортында төзелеш һәм торакны файдалануга тапшыруга багышланган киңәшмәдә ТР төзелеш, архитектура һәм торак- коммуналь хуҗалык министры Ирек Фәйзуллин белдерде.

Киңәшмә ТР ның барлык муниципаль районнары белән видеоконференция элемтә режимында ТР Президенты Рөстәм Миңнеханов рәислегендә узды. Чарада республика Премьер-министры Илдар Халиков та катнашты.

Казанда 1652 алданган өлешләп түләүчеләр өчен гомуми мәйданы 144 мең кв. метр булган 15 торак йорт тапшырылды, бу юнәлештә эшләр актив бара, дип билгеләп үтте Ирек Фәйзуллин. 2012 елның беренче кварталында 4 проблемалы йортны тапшыру ниятләнә.

Аның сүзләренә караганда, республикада хәзерге көнгә кадәр алданган өлешләп түләүчеләр өчен 12 объектта эш башланмаган. Мондый йортлар Казанда 7 объект, Чаллыда – 3, Түбән Камада – 1 һәм Әлмәттә – 1.

“Алданган өлешләп түләүчеләр проблемаларын ай саен әлеге мәсьәләләрне хәл итәргә алынган инвесторлар белән карарга кирәк. Бу мәсьәләләрне хәл итүдә муниципаль район башлыклары һәм ТР төзелеш, архитектура һәм торак- коммуналь хуҗалык министры җаваплы, - дип билгеләп үтте ТР Президенты.

Өлешләп түләүчеләрдән акча алган һәм үз вазифаларын үтәмәгән инвесторларга карата катгый чаралар күрергә, бу эшкә хокук саклау органнарын да җәлеп итәргә кирәк, дип ассызыклады республика башлыгы. Әгәр төзелеш компанияләре килеп туган проблемаларны хәл итәргә тели икән, андыйларга ярдәм итәргә мөмкин. Ә компаниянең өлешләп түләүчеләрнең мәсьәләләрен хәл итү белән кызыксынмавы алдауларын белдерергә мөмкин.

Татарстан Президенты ТР Премьер-министрына бу мәсьәлә буенча хокук саклау органнары белән киңәшмә үткәрүне йөкләде.
ЯҢАЛЫКЛАРГА ЯЗЫЛУ
Сайттагы барлык материаллар лицензия буенча тәкъдим ителә:
Creative Commons Attribution 4.0 International