Татарстан Республикасы Төзелеш министрлыгы башлыгы Марат Айзатуллин: 2025-2026 елларның җылы бирү чоры 246 көн дәвам итте, ягъни календарь елның өчтән ике өлеше
Татарстанда 2025/2026 елларның җылы бирү чоры башына 3 мең 69 котельный, 18 мең 90 күп фатирлы йорт һәм 7 мең 500 социаль-мәдәни объект әзерләнгән. Бу хакта бүген Татарстан Республикасы Министрлар Кабинеты утырышында Татарстан Республикасының ягулык-энергетика комплексы һәм торак-коммуналь комплексы оешмаларының 2025-2026 елларның җылы бирү чорындагы эшенә йомгак ясалды һәм 2026-2027 елларның җылы бирү чорына әзерлек буенча бурычлар куелды.
Утырышны ТР Премьер-министры Алексей Песошин үткәрде. Утырышта ТР Рәисе Рөстәм Миңнеханов катнашты.
2025-2026 елларның җылы бирү чоры 246 көн, ягъни календарь елның өчтән ике өлеше дәвам итте, дип искәртте Татарстан Республикасы Төзелеш министрлыгы башлыгы. Сезон, 12 сентябрьдә башланып, 2026 елның 15 маенда тәмамланды. Алдагы еллардагы кебек үк, өстенлек социаль объектларга бирелде. 2025 елның 10 октябренә барлык социаль һәм торак объектларда җылылык белән тәэмин ителгән.
Күп фатирлы йортларда җылы бирү чорында 6 млн 492 мең 524 гигакалория кулланылган, бу узган җылы бирү чорына караганда 9%ка күбрәк.
Нотыкчы җылы бирү чорында аварияләргә аерым тукталды. 4283 авариянең иң күбе су белән тәэмин итү өлкәсендә булган, бу 2 мең 4 очрак, ягъни гомуми санның 47%ы.
Җылылык белән тәэмин итү өлкәсендә 988 авария теркәлгән, ягъни гомуми санның 23%ы.
Иң күп сүндерүләр Түбән Кама районында булган, монда 382 сүндерү очрагы теркәлгән, Казанда — 315 сүндерү очрагы, Әлмәт районында — 192 сүндерү очрагы.
Җылылык белән тәэмин итү өлкәсендә колачлы аварияләр һәм гадәттән тыш хәлләр булмган. Шуның белән бергә локаль авария хәлләре дә булган. Иң әһәмиятле инцидентлар Казанда һәм Түбән Камада торбаүткәргечләр зарарлану нәтиҗәсендә килеп чыккан.
Торак-коммуналь хуҗалык өлкәсендә авария хәлләрен оператив булдырмау һәм бетерү өчен республикада материаллар һәм җайланмаларның махсуслаштырылган авария-техник резервы булдырылган. Әлеге юнәлешне ел саен финанслау 160 млн сум тәшкил итә.
Министр искәрткәнчә, 2025 елда Татарстан Республикасында Рөстәм Миңнеханов ярдәме белән коммуналь хуҗалык объектларын яңарту буенча республика һәм федераль программалар буенча киң колачлы эш башланган. Нәтиҗәдә төзелгән, реконструкцияләнгән һәм ремонтланган челтәрләрнең озынлыгы 721 километр тәшкил итә, бу гомуми санның 2,6%ын тәшкил итә.
Коммуналь инфраструктураны модернизацияләү буенча федераль һәм республика программаларын гамәлгә ашыруга юнәлдерелгән бюджет акчаларының гомуми күләме 2025 елда 12 млрд 600 млн сум тәшкил иткән. Барлык 45 муниципаль берәмлектә 168 объект гамәлгә ашырылган.
2026 елда коммуналь инфраструктураны модернизацияләү программалары буенча акчаларның гомуми күләме 12 млрд 500 млн сум тәшкил итәчәк. 143 объект модернизацияләнәчәк.
Коммуналь хезмәт күрсәтүләр белән өзлексез тәэмин итүгә коммуналь хуҗалык өлкәсендә ел саен гамәлгә ашырыла торган республика программалары да үз өлешен кертә.
Узган елда шундый 4 программа гамәлгә ашырылган. Чыгымнарның гомуми күләме ике млрд сумнан артык тәшкил итә.