Илдар Халиков белән Геннадий Кириллов ТР да язгы-җәйге янгын куркынычы чорына әзерлек эшләре буенча фикерләште

Бүген ТР Хөкүмәт йортында Татарстан Республикасы Президенты вазыйфаларын башкаручы – ТР Премер-министры Илдар Халиков Россия Федерациясенең Янгын күзәтчелеге буенча баш дәүләт инспекторы генерал-полковник Геннадий Кириллов белән очрашты.

“Казанны РФ Гражданнар оборонасы эшләре, гадәттән тыш хәлләр һәм бәла-казалар нәтиҗәләрен бетерү министрлыгының янгын куркынычсызлыгы һәм күзәтү эшчәнлеген камилләштерү буенча Координация советын үткәрү урыны итеп сайлау куандыра”, - диде Илдар Халиков, Геннадий Кирилловны сәламләп. 2010 елгы яңгырсыз җәйдән һәм корылык белән бәйле күп санлы янгыннардан соң, барысы да янгын куркынычы чорына әзерлек, янгын станцияләрен кирәкле техника белән тәэмин итү, объектларны һәм торак пунктларны янгын куркынычсызлыгы белән тәэмин итү кебек чараларга җитди карый башлады.

Илдар Халиков янгын чыгуны кисәтү эшенә теләк белдерүчеләрне җәлеп итү мөһим дип билгеләп үтте. “Янгыннар вакытында системалы эш оештырган районнар һәм муниципаль берәмлекләр азрак зыян күрде”, - диде ул.

Татарстан Республикасы Президенты вазыйфаларын башкаручы РФ Янгын күзәтчелеге буенча баш дәүләт инспекторы генерал-полковник Геннадий Кирилловка Татарстанда язгы-җәйге янгын куркынычы чорына әзерлек эшләре хакында сөйләде. Ул 2012-2015 елларга янгын куркынычсызлыгы буенча республика программасын раслау соңгы стадиясен үтә дип белдерде.