Рөстәм Миңнеханов Русия Президенты Дмитрий Медведев алдында Татарстандагы социаль-икътисадый вәзгыять турында хисап тотты

Бүген Татарстан Президенты Рөстәм Миңнеханов республикада сәнәгать һәм инновация кластеры эше хакында РФ Президенты Дмитрий Медведевка белдерде.

Республика башлыгы сүзләренә караганда, Татарстанда бигрәк тә инновация кластеры актив үсеш ала. “Бездә 98 электрон хезмәт күрсәтелә, узган елда 10 млн. 500 мең мөрәҗәгать кабул ителгән”, - диде Рөстәм Миңнеханов.

Аерым алганда, бу хезмәт барлыкка килү нәтиҗәсендә балалар бакчаларына электрон чират 30-35 процентка кимрәк, бу урыннар җитмәү турында арттырып сөйләүне аңлата дип белдерде Рөстәм Миңнеханов. Аның сүзләренә караганда, 3 яшьтән зуррак балалар арасында бакчаларга чират бетерелгән, ә 3 яшьтән кечерәк балалар проблемасы әлегә хәл ителә.

Республикада электрон документ әйләнеше системасын кулланучы 28 мең кеше теркәлгән дип белдерде ТР Президенты.

“ГЛОНАСС” системасы нәтиҗәле эшли”, - дип белдерде Рөстәм Миңнеханов. Аның сүзләренә караганда, бу спутник системасы белән ашыгыч хезмәтләр машиналары, шәһәр транспорты, мәктәп автобуслары җиһазланган, бу аларның маршрутларын һәм хәрәкәт графигын күзәтү мөмкинлеге бирә.

Рөстәм Миңнеханов мәгълүмат технологияләре технопаркы турында сөйләгәндә, технопарк тулысынча эшли дип белдерде. “Узган ел IT-паркның кереме 2 млрд. 600 млн. сум тәшкил иткән, ә быел аны 4 млрд. сумга кадәр күтәрергә ниятлиләр”, - дип белдерде республика башлыгы.

Р.Миңнеханов дәүләт башлыгына иннополис һәм IT-университет төзелеше проектлары перспективалары турында белдерде. “Ике көннән Сингапурдан проектчылар киләчәк һәм әзер проектны тәкъдим итәчәк”, - диде ул.

“Мин сезгә бу хакта белдерермен”, - дип вәгъдә итте Р.Миңнеханов Д.Медведевка. “Иң яхшысы эшли башлагач карарга чакырырсыз”, - диде РФ Президенты.

Республика башлыгы проектны 2 ел дәвамында тапшыру планлаштырыла дип белдерде.

Рөстәм Миңнеханов шулай ук Кама инновация кластеры эше турында сөйләде. Аның кереме 600 млн. сум тәшкил итте, 2016 елда аны 1 трлн. сум, ә 2020 елда 2 трлн. сумга җиткерергә ниятлиләр. “Бу Россия икътисады өчен үсеш ноктасы булыр дип саныйбыз”, - дип өстәде ул.

Республика башлыгы шулай ук РФ Президентына Татарстандагы социаль-икътисади хәл турында да белдерде.