Барселонаның баш архитекторы Һосе Асебильо Рөстәм Миңнехановка Казанның "Б" кварталы проектын тәкъдим итте

2012 елның 18 апреле, чәршәмбе
 Бүген Татарстан Президенты Рөстәм Миңнехановка Казанның тарихи үзәгендә “Б кварталы” төзелеше проектын тәкъдим иттеләр. Бу уңайдан ТР Хөкүмәт йортында узган киңәшмәдә Барселона баш архитекторы Хосе Асебильо катнашты.  
“Б кварталы” тарихы һәм аның төзелеш проектлары хакында ТР төзелеш, архитектура һәм торак-коммуналь хуҗалык министры Ирек Фәйзуллин белдерде. Хәзер әлеге квартал тирәсендә яңа Курчак театры торгызылды, нигездә, биредә аз катлы йортлар салынган.
Казан мэры Илсур Метшин “Б кварталы” Казан өчен мөһим, ул шәһәр үзәге белән тоташтырылган дип белдерде. “Б кварталы” төзелешенең беренче проекты Барселона баш архитекторы Хосе Асебильо тарафыннан 2007 елда тәкъдим ителгән иде дип искәртте ул. Проект төрле халыкара архитектура күргәзмәләрендә катнашкан һәм белгечләрдә кызыксыну уяткан. Нәтиҗәдә проект үзгәртелде. Шулай итеп, Хосе Асебильо тәкъдим иткән проектка торак йортлар, балалар бакчасы, кунакханәләр, офис үзәкләре, галерияләр, җир асты паркингы керә.
Барселона баш архитекторы Хосе Асебильо “Б кварталы” төзелеше проектын үзе тәкъдим итте. Ул шәһәрнең тарихи архитектурасы, климат шартлары, башка спецификалары исәпкә алынды дип сөйләде.
Татарстан Президенты Рөстәм Миңнеханов киңәшмәгә нәтиҗә ясап, Хосе Асебильога башкарган эше һәм проектны шәхсән үзе тәкъдим иткәне өчен рәхмәт белдерде. Аның сүзләренә караганда, тәкъдим ителгәннән соң тагын бер тапкыр уйланырга һәм белдерелгән фикерләрне, тәкъдимнәрне исәпкә алып анализ ясау зарур.
ТР Президенты матбугат хезмәте
ВИДЕОРЕПОРТАЖ Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International