Казанга Төрекмәнстанның рәсми делегация әгъзалары килде

2012 елның 15 мае, сишәмбе
Бүген Төрекмәнстан рәсми делегациясенең Татарстан Республикасына эшлекле визиты башлана. Делегация Төрекмәнстан Президенты Корбануглы Бәрдымөхәммәдовны озатып йөри.

Исегезгә төшерәбез: Татарстанга сәфәр Корбануглы Бәрдымөхәммәдовның Русия Федерациясенә эшлекле сәфәре кысаларында башкарыла.

Иртән "Казан" халыкара һава аланына Төрекмәнстан рәсми делегациясе әгъзалары килеп төште. Кунаклары Татарстан Республикасы Премьер-министры Илдар Халиков, ТР сәнәгать һәм сәүдә министры Равил Зарипов, ТР мәгариф һәм фән министры Альберт Гыйльметдинов каршы алды.

Төрекмәнстан делегациясе программасында Түбән Кама һәм Алабуга муниципаль районнарында урнашкан сәнәгать предприятиеләренә бару каралган. Кунакларга "ТАНЕКО" ААҖн, "Алабуга" МИЗ" ААҖндә урнашкан предприятиеләрне тәкъдим итәчәкләр.

Көннең икенче яртысында "КАМАЗ" ААҖнә бару планлаштырылган.

Төрекмәнстан Президенты үзе "Казан" халыкара һава аланына 15 май кичендә килер дип фаразлана.
ТР Президенты матбугат хезмәте
ВИДЕОРЕПОРТАЖ Фоторепортаж
БАРЛЫК ЯҢАЛЫКЛАРНЫ УКУ
ЯҢАЛЫКЛАРГА ЯЗЫЛУ
Хөкүмәт
Документлар
Матбугат хезмәте
Гражданнар мөрәҗәгатьләре һәм аларны кабул итү
Чаралар
Контакт
Адрес: 420060, Казан шәһәре, Ирек мәйданы, 1
Телефон: +7 (843) 264-77-74
E-Mail: prav@tatar.ru
Сорау бирү
Обычная версия
Сайттагы барлык материаллар лицензия буенча тәкъдим ителә:
Creative Commons Attribution 4.0 International