ТР Президенты Р.Н.Миңнехановның Татарстан мелиорациясе өлкәсенең 90-еллыгы уңаеннан котлавы

Татарстан Республикасының хөрмәтле мелиораторлары!

“Сезне республиканың мелиорация тармагына 90 ел тулу белән котлыйм. Мелиораторлар – хезмәтләре белән сазлыкларны, чүлләрне икмәк үсә торган кырларга, бистә һәм шәһәрләргә әйләндерүче профессионаллар. Мелиорациянең барлыкка килү һәм үсеш тарихы республика, аның фән һәм техника, авыл хуҗалыгы, югары квалификацияле кадрлар әзерләүдәге казанышлары үсеше белән тыгыз бәйләнгән. Республиканың гамәлдәге мелиорация системасы, беренче чиратта, бу эшне беренче булып башлап йөрүчеләрнең, ветеран мелиораторларның казанышы. Алар тармакны булдырып, аның нәтиҗәлелеген күтәрделәр, матди-техник базасын ныгыттылар, сугыш һәм аннан соңгы кыен чорларны үттеләр. Бу шулай ук икътисади үзгәртеп кору елларында тармакны саклап калучыларның казанышы да. Республиканың авыл хуҗалыгы рисклы игенчелек зонасында эшли. 2010 ел тәҗрибәсе корылык шартларында сугаруга альтернатива булмавын күрсәтте. Мелиортаорлар хезмәте әһәмиятле һәм җаваплы.

Хәзерге вакытта яңа мелиорация объектлары төзү, гамәлдәге сугару системасын реконструкцияләү һәм модернизацияләү эшчәнлекнең өстенлекле юнәлешләренең берсе санала. Илнең гарантияләнгән азык-төлек куркынычсызлыгын тәэмин итү мелиорация системаларын үстергәндә һәм ныгытканда гына мөмкин икәнен аңлау бар. Без мелиораторларыбызга зур өметләр баглыйбыз.

Аларда булган потенциал, зур эш тәҗрибәсе, профессиональ кадрлар һәм республика мәнфәгатьләре өчен эшләү теләге алда торган бурычларны нәтиҗәле үтәргә ярдәм итәр, дип ышанам”.