Татарстан Президенты "Сәләт" Халыкара яшьләр форумында катнашты

Бүген Татарстан Президенты Рөтәм Миңнеханов "Сәләт" Халыкара яшьләр форумында катнашты, ул ТР Алексеевски районының Биләр тыюлыгы территориясендә үтә.
Быел фестиваль 16 нчы тапкыр уздырыла. Татарстан Республикасы Президенты Р.Н. Миңнехановның “Сәләт” балалар һәм яшьләр интеллектуаль иҗатының XV Республика фестиваль-конкурсында 2011 елның 10 июленнән биргән №ПР-123 йөкләмәсе нигезендә, быел 2012 елның 4 июленнән алып, 10 июльгә кадәр тарихта беренче тапкыр Болгар дәүләт тарихи-архитектур музей тыюлыгында һәм Биләр тыюлыгында 3000 кеше катнашында “Сәләт” Халыкара яшьләр уку-укыту форумы үтә.
Форумда һәм сменада 7-10 сыйныф чыгарылыш укучылары, район, республика, региональ һәм Россия күләмендә предмет олимпиадаларында һәм конкурсларда, смотрларда, фестивальләрдә, фәнни конференцияләрдә катнашучылар, лауреатлар, Ислам Хезмәттәшлеге Оешмасы Яшьләр форумы вәкилләре, танылган фән, мәдәният, сәнгать эшлеклеләре катнаша.
Бүген Рөстәм Миңнехановка "Сәләт" оешмасы эшчәнлеге, "Сәләт" уңышларын дөнья аренасында тәкъдим итү булды.
Республика башлыгы "фән һәм мәгариф", "эшмәкәрлек", "мәдәният" юнәлешләре буенча остаханәләрдә булды.
Чатырларның берсендә ТР Президентына "Сәләт" үсешенең прогамммасы күрсәтелде.
Соңыннан Ислам хезмәттәшлеге оешмасының II Яшьләр моделе ачылышы булды, анда дөньяның 45 иленнән вәкил катнашты.
Форум кунакларын сәламләгәндә, Рөстәм Миңнеханов киләчәк яшьләр кулында булуын билгеләде, шулай ук ул Татарстанда көчле яшьләр оешмаларының күп булуын әйтте.
ТР Президенты Ислам хезмәттәшлеге оешмасының зур роль башкаруын, анда Россиянең 2005 елдан күзәтүче булуын билгеләде.
"Безнең максат - дус-тату яшәүдә, барысы да безнең яшьләрнең бергә булуыннан торачак", - диде Р.Миңнеханов һәм форумның эшендә уңышлар теләде.
Ислам хезмәттәшлеге оешмасының Яшьләр форумы генераль секретаре Эльшад Искәндәров кунакчыл булулары өчен республика җитәкчелегенә рәхмәтен әйтте һәм "Сәләт"нең форум вәкиле булуын белдерде, ТР Студентлар Лигасы президенты Тимур Сөләймановка тиешле сертификат тапшырды.
Э. Искәндәров шулай ук республика башлыгына Татарстанда яшьләр хәрәкәтен үстерү эшендә Рөстәм Миңнехановның хезмәтләрен тану турында плакат тапшырды.
Соңыннан хөрмәтле кунаклар үзәк мәйданга юнәлделәр.Татарстан Президенты катнашучыларны сәламләде. "Без "Сәләт" форумы катнашучыларының уңышлары белән горурланабыз һәм сезгә ярдәм итәчәкбез. Елдан-ел "Сәләт" үсәргә тиеш", - диде республика башлыгы.
Бу кичтә сәләтлеләрне «Большой Куш» (Казан) һәм «Пицца» (Мәскәү) поп-рок төркемнәре катнашында концерт көтә. Форумның ябылуы һәм җиңүчеләрне бүләкләү 10 июль көнне була.