Татарстан Премьер-министры “Ел хәйриячесе-2018” республика бәйгесе җиңүчеләрен бүләкләде
Бүген Татарстан Республикасы Премьер-министры Алексей Песошин “Ел хәйриячесе-2018” республика бәйгесе җиңүчеләрен бүләкләде. Бәйгегә нәтиҗә ясау һәм бүләкләү тантанасы Казан Кремлендә узды. 80 хәйрияче җиңүче булды.
“12 ел эчендә конкурста 2 меңнән артык бизнес вәкилләре, хәйрия фондлары, физик затлар катнашты. Хәйриянең гомуми суммасы 38 миллард сумга җитте”, - диде Алексей Песошин барлык хәйриячеләрне “Ел хәйриячесе-2018” бәйгесенең бүләкләү тантанасында.
“Ел хәйриячесе-2018” республика бәйгесендә “Эре һәм урта предприятиеләр”, “Кече бизнес предприятиеләре”, “Шәхси эшмәкәрләр”, “Коммерцияле булмаган оешмалар”, “Физик затлар”, “Хәйриячеләр фонды” һәм “Массакүләм мәгълүмат чаралары” кебек җиде номинациядә нәтиҗә ясалды.
“Безнең җәмгыятьнең өлгереп җитүенең мөһим индикаторы булып хәйриячелек белән шөгыльләнүче, социаль яктан әһәмиятле мәсьәләрне чишү һәм мохтаҗларга ярдәм итү өчен үз вакытларын һәм акчаларын сарыф итүче – үсүче республика халкы тора”, - дип билгеләде ТР Премьер-министры.
Зур һәм уртача предприятиеләр арасында “Камаз” ГАҖ, “Газпром трансгаз Казан” ҖЧҖ, “Татэнерго” АҖ, “ТАИФ” ААҖ, “Татнефт” ГАҖ һәм башкалар аерылып торды.
“Ел хәйриячесе-2018” республика бәйгесе 2007 елдан уздырыла. Анда юридик затлар һәм аерым гражданнар катнаша, алар Татарстан халкына һәм оешмаларына хәйрия ярдәме күрсәтә.