Алексей Песошин Яшел Үзәндә гражданнарны тузган тораклардан күчерү программасында катнашучылар белән очрашты
Татарстан Премьер-министры Алексей Песошин бүген Яшел Үзәндә гражданнарны тузган тораклардан күчерү программасында катнашучылар белән очрашты.
Очрашуда ТР Премьер-министрының беренче урынбасары Рөстәм Нигъмәтуллин,ТР төзелеш, архитектура һәм ТКХ министрының беренче урынбасары Алексей Фролов, Яшел Үзән районы башлыгы Александр Тыгин катнашты.
Очрашу вакытында гражданнарга күчереп урнаштыру программасы, сату-алу бәяләрен билгеләү шартлары һәм күчереп урнаштыру (социаль ипотека һәм социаль найм шартлары) турында сөйләделәр.
Алексей Песошин республикада аварияле торакны ликвидацияләү программасын күп тапкыр тикшерүләрен, тикшерү нәтиҗәләре буенча аның бөтен законнарга һәм нормаларга туры килүен искә төшерде.
Алга таба Яшел Үзәндә яшәүчеләр Татарстан Премьер-министрыннан эшкә урнашуда ярдәм сорады. Бу мәсьәләне хәл итү Татарстанның Хезмәт, мәшгульлек һәм социаль яклау министрлыгына йөкләнде.