Россия Президенты Владимир Путин Рөстәм Миңнеханов белән Татарстанда социаль-икътисадый вәзгыять буенча фикер алышты

Бүген Россия Президенты Владимир Путин Татарстан Президенты Рөстәм Миңнеханов һәм эшмәкәрлек җәмгыяте, мәгариф һәм сәламәтлек саклау өлкәләре вәкилләре белән төбәктәге социаль-икътисади вәзгыять буенча фикер алышты.

Путин очрашуны ачып Рөстәм Миңнехановка сүз бирде, ә ул үз чиратында республикадагы вазгыять турында белдерде. “Әлбәттә, төп бурыч – яшәү сыйфатын күтәрү, Сез билгеләгән инновацион үсеш юлын гамәлгә куябыз һәм куячакбыз”, - диде Рөстәм Миңнеханов.

“Иң мөһиме – безнең гражданнарның имин тормышта яшәве. Сез югары һөнәри белемлеләр өчен 25 млн. эш урыны булдыру бурычын куйдыгыз. Без үзебез өчен бу санны 750 мең кеше дип билгелибез. Әлбәттә, бу гамәлдәге производстволарны, машина төзелеше комплексын, нефть химиясе комплексын модернизацияләү, алар - яңа өлкәләр, нанотехнологияләр, IT. Шул ук вакытта яшь буын, махсус икътисади зонадагы яңа предприятиеләр, безнең технопарклар бу мәсьәләне хәл итү мөмкинлеге бирә дип ышанабыз.

Биредә җыелган хезмәттәшләрем безнең республиканың кайбер үсеш элементларын яктыртачак. Шуңа аларга сүз бирергә кирәк, дип уйлыйм”, - дип билгеләп үтте ТР Президенты.

Очрашуда катнашучылар дәүләт башлыгына тармаклардагы вазгыятьләр турында сөйләде. “КАМАЗ” ның инженер-конструкторы Айнур Муллаәхмәтов предприятие уңышлы эшли дип белдерде. Ул предприятиегә яңа инжиниринг үзәге кирәк дип ассызыклады.

«КАМАЗ» - ул акционерлык җәмгыяте һәм ул барыннан да элек субъект бурычы”, - дип билгеләп үтте Путин андый үзәк булдыру проектын хуплап.

“Без һәрвакыт КАМАЗ”га заказлар һәм кредитлар биреп ярдәм итәбез, әлбәттә, бу юнәлешне дә хуплыйбыз, чөнки бу юнәлешнең никадәр дәрәҗәдә үсеш алуы предприятиенең көндәшлелеккә сәләтле булуына бәйле. Әмма предприятие җитәкчелеге белән республиканың Россия Хөкүмәтеннән белән финанс институтлардан ни теләвен билгеләү зарур. Әйдәгез, “КАМАЗ” өчен андый программа ясыйбыз”, - диде ул.

Фермерлык хуҗалыгы җитәкчесе Илнар Сөләйманов үз чиратында продукциянең үз кыйммәте һәм арадашчылар мәсьәләсен кузгатты, нәтиҗәдә, җитештерүчеләрдә сөт 10 сум тора, ә кибетләрдә 30 сумнан саталар.

Путин мондый очракларда республика ярдәме белән предприятиеләр һәм сатып алу инфраструктурасын булдырырга тәкъдим итте. “Иң яхшысы сатып алу конторалары, нәтиҗәле эшләүче предприятиеләр яки җитештерүчеләргә турыдан базарга чыгу һәм үз челтәрләрен булдыру мөмкинлеге бирү”, - дип саный Россия Президенты.

Хәзер Татарстанда Россиядә иң зур - 50 мең кв. метрлы зур агросәнәгать паркы төзелә, анда һәр районга урын биреләчәк һәм аграрийлар үз продукциясен тәкъдим итә ала, дип белдерде Рөстәм Миңнеханов Путинга.

“Әгәр кирәк булса федераль үзәктән ярдәм итәргә әзер”, - дип белдерде РФ Президенты.

Очрашуда төрле мәсьәләләр кузгатылды. Балалар белән бәйле мәсьәләләр турында сөйләшү булды. Очрашу турында тулырак мәгълүматны Россия Президенты сайтыннан карарга мөмкин.