Рөстәм Миңнеханов "Мәктәпкә җыенырга ярдәм ит" акциясенә старт бирде

Бүген Чаллыда ТР Президенты Рөстәм Миңнеханов “Мәктәпкә җыенырга ярдәм ит” республика акциясенә старт бирде. Ул Балалар һәм яшьләр иҗаты үзәге сәхнәсеннән бәйрәм залына җыелган балаларны, ата-аналарны, меценатларны һәм предприятие җитәкчеләрен сәламләде.

“Хәерле көн, кадерле дуслар. 2007 елда бу акциягә старт бирелде һәм хәзер ел саен 15-20 процент балага мәктәпкә барырга ярдәм күрсәтелә. Беренчы сыйныф укучылары гына түгел, 2 сыйныфтан 11 сыйныфка кадәр балалар ярдәм ала. Барлык ата-аналарның да мөмкинлекләре тигез түгел, шуңа күрә бу дөрес акция дип уйлыйм”, - диде республика башлыгы.

Ул шулай ук республикада мәгариф системасын реформалаштыру бара, дип ассызыклады. “Без мәктәптә белем бирүгә генә түгел, ә мәктәпкәчә мәгариф учреждениеләренә дә мөнәсәбәтләрне үзгәртәбез. Республиканың мәгариф нигезе мәктәп булуын аңлыйбыз, баланың тирән һәм сыйфатлы белем алуына аның киләчәк квалификациясе бәйле.

Рөстәм Миңнеханов Чаллы автомобиль төзүчеләр, югары технологияләр шәһәре һәм анда югары һөнәри белемгә ия белгечләр кирәк. “Биредә актив яшьләр яши, талантлы балалар үсә. Аларның барлык башлангычлары ярдәм булырга тиеш. Ай дәвамында бөтен республика буенча “Мәктәпкә җыенырга ярдәм ит” акциясе үткәрелә. Бер баланың да игътибарсыз калмаячагына ышанам – бу безнең бурыч”, - диде Президент.

Аннары Рөстәм Миңнеханов Чаллы мэры Васил Шәйхразиев белән балаларга мәктәп кирәк-яраклары алу өчен сертификат тапшырды.