Минтимер Шәймиев: "Төп бурыч - Зөя шәһәр утравында уңайлы шартлар тудыру"

Бүген Татарстан Республикасы Дәүләт киңәшчесе, “Яңарыш” республика фонды попечительлек советы рәисе Минтимер Шәймиев Свияжски утрау-шәһәрчегенә эш сәфәре кылды һәм төзелеш, төзекләндерү эшләре барган объектларны карады
.
Минтимер Шәймиевне Успенский-Богородицкий монастырендә һәм “Всех скорбящих радость” Богоматери иконасы хөрмәтенә төзелгән соборны төзекләндерү эшләре барышы белән таныштырдылар, ул “Өлкәара фәнни-реставрацияләү сәнгать идарәсе” ФДУП гамәлгә куя торган рәсем сәнгатен торгызуга юнәлтте.

ТР Дәүләт киңәшчесе Успенский-Богородицкий монастыренең Вознесения Господня чиркәвен торгызу эшләренә бәя бирде.

Минтимер Шәймиев су җыю һәм чистарту корылмасын карады. Ул шулай ук тарихи һәйкәлләр һәм яңа биналар территорияләрен төзекләндерү эшләре барышы, шулай ук юллар һәм тротуарлар салу эшләре барышын карады. Бүгенге көндә Свияжскида яшәүчеләр һәм анда килүчеләр өчен уңай шартлар тудыру өчен утрауны төзекләндерү эшләрен төгәлләү мөһим бурыч булып тора, дип билгеләп үтте ул.

Свияжски утрау-шәһәренә эш сәфәрендә ТР Президенты ярдәмчесе, “Яңарыш” фонды башкаручы директоры Татьяна Ларионова, ТР мәдәният министры Айрат Сибагатуллин, ТР Дәүләт киңәшчесе секритариаты җитәкчесе Җәүдәт Салихов, Яшел Үзән муниципаль районы башлыгы Сергей Батин, “Свияжски утрау-шәһәрчеге”Дәүләт тарих-архитектура һәм сәнгать музее директоры урынбасары Светлана Фролова, Свияжски Успенский-Богородицкий монастыре наместнигы Силуан атакай, Свияжски авыл җирлеге башлыгы Владислав Четверкин һәм башка рәсми затлар катнашты.