Татарстан Президенты “Татнефтехиминвест-холдинг” ААҖ Директорлар советы утырышын уздырды

Бүген ТР Президенты – җәмгыятьнең Директорлары советы рәисе Рөстәм Миңнеханов “Татнефтехиминвест-холдинг” ААҖ Директорлар Советы утырышын уздырды. Утырыш ТР Хөкүмәте Йортында үтте.

Биотаркала торган полимерларны классификацияләү һәм яңа уңышлы нанокомпозитларны куллану турында доклад белән “Л.Я.Карпов исемендәге фәнни-тикшеренү физика-химия институты” (Мәскәү) РФ дәүләт фәнни-тикшеренү үзәге лабораториясе җитәкчесе Сергей Чвалун чыгыш ясады.

Сергей Чвалун Л.Я.Карпов исемендәге институтны кыскача тәкъдир итте, 1918 нче елда булдырылуын искәртте. Бүген бу фәнни-тикшеренү институты “Росатом” дәүләт корпорациясенә керә. Ул тулырак итеп конструкцион наноструктурлаштырылган полимер һәм гибрид материаллар, шулай ук аларны файдалану тармаклары турында сөйләде.

Аерым алганда, наноструктурлаштырылган полимер һәм гибрид материаллар автомобиль юллары төзелешендә, бер төркем объектлар һәм җиңел конструкцияләр (мәсәлән, машина кую урыннары) төзелешендә уңышлы файдалана ала.

Рөстәм Миңнеханов, перспектив нанокомпозитларны төзелеш һәм юл тармакларында файдалану мөмкинлекләрен өйрәнү өчен, Л.Я.Карпов исемендәге институт һәм ТРның проект, фәнни-тикшеренү һәм химия интитутлары белгечләре катнашында эш төркемен булдырырга тәкъдим итте. Республика башлыгы Татарстанның илдә эре полимерлар җитештерүче булуын һәм бу тармакны үстерергә кирәклеген ассызыклады.

Алга таба Сергей Чвалун биотаркала торган полимерлар (полиоксиалканоатлар, полиакриламид, полилактидлар һ.б.) һәм аларны файланып була торган биомедицина, авыл хуҗалыгы кебек тармаклар турында сөйләде. Бу материалларның өстенлеге – кайтартылган чималдан алу, биотаркала тоган нигез, биомедицина үсешенә ярдәм итү.

Акрилнитрил һәм аның нигезендә сүсләр җитештерү технологиясе турында доклад белән “Дюпон” (DuPont) компаниясе вәкиле Тарас Чумаков чыгыш ясады. Ул, аерым алганда, “Дюпон” компаниясенә 1802 нче елда нигез салынуын, бүгенге көндә аның 135 сәнәгать предприятиесе булуын, һәр ел НИОКРга 2 миллиард АКШ доллары салынуын хәбәр итте.

Компания беренче лицензияне 1974 нче елда алган, бүген 1700дән артык лицензия килешүләренә ирешелгән.

Акрилнитрил полиакрилнитрил сүсенең нигезе булып тора. Тарас Чумаков бүген “Алабуга” махсус икътисади зонасы территориясендә углеводород сүсен җитештерү буенча “Алабуга-Волокно” заводы урнашуын искәртте.

Моннан тыш, ул “Саратоворгсинтез” ҖЧҖнең полиакрилонитрил сүсләре белән тәэмин итүен хәбәр итте.

Утырышта үз эшчәнлеген кыскача тәкъдир итү белән “СОГАЗ” (“Газ сәнәгате иминият җәмгыяте”) компаниясе идарәсе рәисе Сергей Иванов чыгыш ясады.

Утырыш соңында “Казан 2013” Башкарма дирекциясе” коммерцияле булмаган автоном оешмасы һәм “СОГАЗ” ААҖ арасында ниятләр турында Килешүгә кул куелды. ТР Президенты Рөстәм Миңнеханов барлыгында документларга “Казан 2013” Башкарма дирекциясе” коммерцияле булмаган автоном оешмасы генераль директоры Владимир Леонов һәм “СОГАЗ” ААҖ идарәсе рәисе Сергей Иванов кул куйды.