ТР Президенты, VII Россия-Сингапур эш форумында катнашу өчен, Сингапурга килеп җитте

Бүген ТР Прзиденты Рөстәм Миңнеханов, VII Россия-Сингапур эш форумында катнашу өчен, Сингапур Республикасына килеп җитте (Russia Singapore Business Forum). ТР Президентын эшлекле сәфәрдә Премьер-министр урынбасары – ТР мәгълүматлаштыру һәм элемтә министры Роман Шәйхетдинов, ТР Президенты ярдәмчесе Радик Гыйматдинов, ТР Инвестицион агентлыгы җитәкчесе Линар Якупов, “Ак Барс” банк ААҖ рәисе Роберт Миңнегалиев озата барды.

“Үсеш двигательләре буларак, үсә торган шәһәрләр” (“Растущие города как двигатели развития”) форумының беренче сессиясе кысаларында “Иннополис Казан” проектын тәкъдир итү була. “Россия/ БДБ: кыенлыкларны җиңү һәм яңа мөмкинлекләрне ачу” (“Россия/СНГ: преодоление сложностей и открытие новых возможностей”) сессиясе барышында ТР Президенты Рөстәм Миңнеханов чыгышы планлаштырыла.

Ике көнлек эшлекле сәфәр программасында шулай ук бер төркем очрашулар һәм объектларда булу планлаштырыла. Аерым алганда, Татарстан делегациясе Hwa Chong Institution мәктәбендә һәм Art Science музеенда булачак, pHCapital Limited компания-инвестор катнашында Малазия консорциумы - Amanah Capital Group, Straits Consulting Engineers, AJM Planing and Urban Design Group компанияләре белән “Смарт сити Казан” проекты генераль планының эшләнеп беткән концепциясе турында сөйләшәчәк.