Розарио Алессандрелло: Италия-Россия Сәүдә Палатасы Италия эшкуарларын Татарстан Республикасы белән уртак проектлар эшләүгә җәлеп итүне дәвам итәчәк

ТР Президенты Рөстәм Миңнеханов Италия-Россия Сәүдә Палатасы вәкилләре белән очрашты.

Очрашу ТР Хөкүмәт Йортында үтте, анда шулай ук ТР сәнәгать һәм сәүдә министры Равил Зарипов, ТР Президенты ярдәмчесе Радик Гыйматдинов, ТР Сәүдә-сәнәгать палатасы идарәсе рәисе Шамил Агиев, "Татнефтехиминвест-холдинг” ААҖ генераль директоры Рафинат Яруллин һәм башка рәсми затлар катнашты.

Исегезгә төшерик, Италиянең эшлекле даирәләре делегациясе Италия-Россия Сәүдә Палатасы президенты Розарио Алессандрелло җитәкчелегендә ТРда эшлекле сәфәрдә, аның кысаларында республиканың предприятиеләрендә булу, ТР Сәнәгать һәм сәүдә министрлыгында очрашулар, “Алабуга” МИЗы эшчәнлеге белән танышу һ.б. планлаштырылган.

Кунакларны сәламләп, Рөстәм Миңнеханов Италия-Россия Сәүдә Палатасы эшчәнлеге кысаларында Татарстан белән Италиянең озак вакытлар дәвамында хезмәттәшлек итүен билгеләде. “Сезнең Татарстанга һәрбер сәфәрегез – ул һәрвакыт яңа проектлар һәм яңа элемтәләр”, - диде Рөстәм Миңнеханов Розарио Алессандреллога мөрәҗәгать итеп.

ТР Президенты кыскача республикадагы икътисади вәзгыятьне сөйләде, сәнәгатьнең стабиль рәвештә үсешен билгеләде.

Бүген ТРда тормышка ашырыла торган мөһим проектлар арасында Рөстәм Миңнеханов “ТАНЕКО” ААҖ, “Аммоний” ААҖ, “Алабуга” МИЗ атады.

Шулай ук республика башлыгы “Иннополис” инновацион шәһәр-иярченен төзү проекты башлануын хәбәр итте, моннан тыш, “Казан” халыкара аэропорты янында “Смарт-Сити” проекты тормышка ашырылачагын әйтте.

“Италия бизнесына “Алабуга” МИЗ территориясендә җитештерүне үстерү өчен, барлык шартларны өйрәнергә кирәк, - диде Рөстәм Миңнеханов. – Бу мәйдан Россия базарына чыгарга теләгән компанияләргә аеруча кызыклы булачак”.

ТР Президенты билгеләвенчә, Италия, Россия төбәкләренең берсе буларак, Татарстанның мөһим сәүдә партнерларының берсе булып тора. Аның сүзләренчә, 2011 нче ел нәтиҗәләре буенча Италиянең һәм Татарстанның тышкы сәүдә әйләнеше 2,3 миллиард АКШ доллары булган, быел 2,7 миллиард АКШ доллары тәшкил иткән.

Италия-Россия Сәүдә Палатасы президенты Розарио Алессандрелло делегация вәкилләре блеән таныштырды. Делегация составына

Camozzi, LindabBuildingsLLC, MerloniProgetti, MaireTecnimont компанияләре җитәкчелеге, Мәскәүдә Италия эшмәкәрләре ассоциациясе, Италиянең тышкы сәүдә милли институты вәкилләре, һ.б. керә.

Һәрбер компанияне кыскача тәкъдир иткәннән соң, Рөстәм Миңнеханов станок төзү кластеры, машина төзелеше кластеры, автокомпонентлы төзелеш блдыруда катнашу кебек юнәлешләр буенча хезмәттәшлек итү мөмкинлеге турында билгеләде.

Розарио Алессандрелло Италия-Россия Сәүдә Палатасының ТР белән уртак проектлар булдыруга Италия эшмәкәрләрен җәлеп итү буенча эшне дәвам итәчәген белдерде.

Рөстәм Миңнеханов Италия эшмәкәрләренә ТРда бизнес үстерү өчен, үз юнәлешләрен табуларын теләде.