Рөстәм Миңнеханов “Татнефть” ААҖ Директорлыр советының чираттагы утырышын уздырды

Бүген Әлмәттә компаниянең Директорлар советы рәисе - ТР Президенты Рөстәм Миңнеханов җитәкчелегендә “Татнефть” ААҖ Директорлар советының чираттагы утырышы үтте.

Утырышта 2012 нче елның 10 аена “Татнефть” бюджетының башкарылу нәтиҗәләре каралган, декабрьга бюджет расланган, шулай ук 2013 нче елга бюджет турында сөйләшенгән.

Компаниянең финанс-хуҗалык эшчәнлеге нәтиҗәләре турында мәгълүмат тыңланылган.

Агымдагы елның тугыз аенда 19 млн. 456 мең тонна нефть чыгарылган, бу 2011 нче ел күрсәткеченнән 0,3 процентка күбрәк, планнан тыш, 444 мең тонна чыгарылган. Бер уңайдан алынган нефть газы күләме 630 миллион кубометр тәшкил иткән, бу үткән елның шушы чор күрсәткеченнән 7,5 процентка күбрәк.

Ашальчинский нефть чыгару урынында 49,1 мең тонна югары үзле нефть чыгарылган, участок буенча уртача дебит – тәүлегенә 196,6 тонна, бу урыннан барлыгы 156 мең тонна нефть чыгарылган.

ТРдан башка территориядә 226 мең тонна нефть чыгарылган, бу - үткән ел күрсәткеченнән 17,3 процентка күбрәк.

Чыгарылган продукцияне сатудан брутто-керем 412 миллиард сум булган, нетто-керем, үткән ел күрсәткече белән чагыштырганда, 13 процентка арткан һәм 259,6 миллиард сум булган. Финанс-хуҗалык эшчәнлеге нәтиҗәләре буенча, салым салынганга кадәр 72 миллиард сум керем алынган, чиста керем - 56 миллиард сум.

Утырышта җир асты байлыкларын файдалану өлкәсендә инновацион программа каралган.

Нефть чыгаруны стабильләштерү өчен төп юнәлеш булып, яңа технлогияләрне кертү, горизонталь бораулау күләмен арттыру тора.

Шулай ук утырышта агымдагы елда нефть чыгару буенча инвестицион программаны тормышка ашыру барышы һәм 2013 нче елга инвестицияләр программасы турында сөйләшенгән.

Директорлар советында “Татнефть” ААҖ эшчәнлегенең башка мәсьәләләре дә каралган.