“Татнефть” Сколковода экология юнәлешендәге проектларны үстерәчәк

“Татнефть” Сколково территориясендә ачылачак Фәнни-техник үзәгендә башлангыч этапта өч төп юнәлешне үстерергә планлаштыра. Бу хакта бүген “Сколково” белән “Татнефть” арасында тиешле Килешү имзанлагач, Фәнни-техник үзәкне тәкъдим итү тантанасында компаниянең ТатНИПИнефть институты директоры Равил Ибәтуллин белдерде.

Бу юнәлешләрнең үзенчәлеге экологиягә бәйле булуында. Бу халык тыгыз яши торган һәм актив рәвештә авыл хуҗалыгы эшчәнлеге алып барыла торган территориядә компаниянең эш шартлары спецификасы белән бәйле.

Шулай итеп, экологик яткан чиста биотехнологияләр – нефть табышын микробиологик ысуллар белән арттыру, һ.б. турында сүз бара.

Сколково мәйданчыгы “Татнефть” потенциалын үстерү дәрәҗәсенә туры килә, аңа үз эшләнмәләре белән федераль дәрәҗәгә чыгарга кирәк булачак, диде ТатНИПИнефть институты директоры. Р.Ибәтуллин яңа елга компаниянең Фәнни-техник үзәге инноград резиденты булып теркәләчәгенә ышануын белдерде.